‘হিমন্ত বিশ্ব শৰ্মাক ৰাখক, বাকীসকলক মন্ত্ৰীসভাৰ পৰা আঁতৰাই দিয়ক’- মুখ্যমন্ত্ৰী সোণোৱালক পৰামৰ্শ দিলে এগৰাকী সাংসদে

News18 Assam | News18-Assam
Updated:August 29, 2020, 9:18 PM IST
‘হিমন্ত বিশ্ব শৰ্মাক ৰাখক, বাকীসকলক মন্ত্ৰীসভাৰ পৰা আঁতৰাই দিয়ক’- মুখ্যমন্ত্ৰী সোণোৱালক পৰামৰ্শ দিলে এগৰাকী সাংসদে
অসমৰ কোন মন্ত্ৰী কিমান দক্ষ? কিয় মন্ত্ৰী হিমন্ত বিশ্ব শৰ্মাক বাদ দি বাকী মন্ত্ৰীয়ে কৰিব পৰা নাই বিশেষ উন্নয়ণমূলক কাম? কিয় দিব পৰা নাই নিযুক্তি?

অসমৰ কোন মন্ত্ৰী কিমান দক্ষ? কিয় মন্ত্ৰী হিমন্ত বিশ্ব শৰ্মাক বাদ দি বাকী মন্ত্ৰীয়ে কৰিব পৰা নাই বিশেষ উন্নয়ণমূলক কাম? কিয় দিব পৰা নাই নিযুক্তি?

  • Share this:
অসমৰ কোন মন্ত্ৰী কিমান দক্ষ? কিয় মন্ত্ৰী হিমন্ত বিশ্ব শৰ্মাক বাদ দি বাকী মন্ত্ৰীয়ে কৰিব পৰা নাই বিশেষ উন্নয়ণমূলক কাম? কিয় দিব পৰা নাই নিযুক্তি? বৰ্তমান ৰাজ্যত চলি আছে এই বিতৰ্ক! তাৰ মাজতে বৰপেটাৰ সাংসদ আব্দুল খালেকৰ মুখ্যমন্ত্ৰী সৰ্বানন্দ সোণোৱালৰ প্ৰতি আহ্বান- ‘বিত্তমন্ত্ৰী ড০ হিমন্ত বিশ্ব শৰ্মাক ৰাখি বাকী মন্ত্ৰীসকলক আঁতৰাই দিয়ক মন্ত্ৰী সভাৰ পৰা।’

শুকুৰবাৰে মন্ত্ৰী হিমন্ত বিশ্ব শৰ্মাই কৰা মন্তব্যৰ প্ৰতিক্ৰিয়া প্ৰকাশ কৰি এই পৰামৰ্শ আগবঢ়াই বৰপেটা লোকসভা সমষ্টিৰ সাংসদ আব্দুল খালেকে। শুকুৰবাৰে মহানগৰীৰ শ্ৰীমন্ত শংকৰদেৱ কলাক্ষেত্ৰৰ প্ৰেক্ষাগৃহত নৱ নিযুক্ত শিক্ষকসকলক নিযুক্তি পত্ৰ বিতৰণ কৰি শিক্ষামন্ত্ৰী হিমন্ত বিশ্ব শৰ্মাই মুখ্যমন্ত্ৰীৰ সন্মুখতে মন্তব্য কৰিছিল যে, তেওঁ দায়িত্ব ল’লেহে শিক্ষক নিযুক্তি অথবা ছাত্ৰ ছাত্ৰীক স্কুটী দিয়া হয়।

মন্ত্ৰী হিমন্তই কৰা মন্তব্যৰ আলম লৈ এতিয়া সাংসদ আব্দুল খালেকে কয় যে, ‘সৰ্বানন্দ সোণোৱাল মন্ত্ৰীসভাৰ বাকী সকল মন্ত্ৰীৰ যদি কাম নাই তেন্তে তেওঁলোকক আঁতৰাই ৰাজকোষৰ ধন অপচয় কৰা বন্ধ কৰিব লাগে।’

ইফালে শিক্ষামন্ত্ৰী হিমন্ত বিশ্ব শৰ্মাৰ মন্তব্যই মুখ্যমন্ত্ৰী সৰ্বানন্দ সোণোৱালৰ ব্যৰ্থতাকে উদঙাইছে বুলি কয় বিৰোধী দলপতি দেবব্ৰত শইকীয়াই। বিৰোধী দলপতিৰ মতে, ‘বিত্তমন্ত্ৰীৰ দায়িত্বত থকা হিমন্ত বিশ্ব শৰ্মাই অন্যান্য বিভাগৰ আঁচনিৰ ধন মোকোলাই নিদিয়ে। আনকি এই ক্ষেত্ৰত মুখ্যমন্ত্ৰীয়েও হস্তক্ষেপ নকৰে।’
Published by: Himangshu Bhuyan
First published: August 29, 2020, 9:18 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading