মুখ্যমন্ত্ৰীক এলাগি কৰি হিমন্তই ছুপাৰ CM হৈছে অসমত, গুৰুতৰ অভিযোগ জীতেন্দ্ৰ সিঙৰ

APCCৰ তত্ত্বাৱধায়ক হিচাপে প্ৰথম অসম ভ্ৰমণ কৰি প্ৰথমখন সংবাদমেলত জীতেন্দ্ৰ সিঙে মুখ্যমন্ত্ৰী সৰ্বানন্দ সোণোৱাল আৰু মন্ত্ৰী হিমন্ত বিশ্ব শৰ্মাক কঠোৰ ভাষাৰে সমালোচনা কৰে৷ সিঙে মুখ্যমন্ত্ৰী সৰ্বানন্দ সোণোৱাল আৰু হিমন্ত বিশ্ব শৰ্মাক লক্ষ্য কৰি লয় শুকুৰবাৰৰ সংবাদমেলত৷

জীতেন্দ্ৰ সিঙে ক'লে- “মুখ্যমন্ত্ৰীয়ে কোনো ছিৰিয়াছ ইছ্যুত মাত নামাতে৷ ভয়ে ভয়ে দুই মিনিটৰ বাবে সাংবাদিকৰ সন্মুখীন হয় তেওঁ৷ মুখ্যমন্ত্ৰীৰ সলনি হিমন্তই ছুপাৰ CM হৈছে অসমত৷ লাউড স্পীকাৰৰ দৰে কাম কৰে আনজন মন্ত্ৰী হিমন্তই৷ তৰুণ গগৈৰ দিনত এনেকুৱা হোৱা নাছিল৷”

সংবাদমেলত BJP নেতৃত্বাধীন চৰকাৰৰ দিনত অসমত মহিলাৰ সুৰক্ষা নোহোৱা হোৱা বুলি গুৰুতৰ অভিযোগ উত্থাপন কৰে জীতেন্দ্ৰ সিঙে৷ লগতে ক'লে- “অসমত মাফিয়াৰ চৰকাৰ চলিছে৷ ক্ৰাইম এগেইনষ্ট অ’মেনত দেশৰ ভিতৰত অসমত এক নম্বৰত৷  লগতে সকলো সামগ্ৰীতে মাফিয়াৰ দৰে টেক্স লৈছে এইখন চৰকাৰে৷”

BJPয়ে মোগল আৰু হিন্দু সভ্যতাৰ কথা কৈ অসমত বিভাজনৰ ৰাজনীতি কৰিব বিচাৰিছে বুলি উল্লেখ কৰে জীতেন্দ্ৰ সিঙে৷ BJPৰ বিভাজনৰ ৰাজনীতি অসমত নচলিব বুলি কৈ APCCৰ তত্ত্বাৱধায়ক সিঙে ২০২১ত কংগ্ৰেছৰ চৰকাৰ হ'ব বুলি দাবী কৰে৷

ইপিনে, নিৰ্বাচনৰ পূৰ্বে APCCৰ নেতৃত্ব সলনিৰ প্ৰসংগত জীতেন্দ্ৰ সিঙে ক'লে - “প্ৰদেশ কংগ্ৰেছৰ নেতৃত্ব সলনিৰ বিষয়টো AICCৰ এক্টিয়াৰ৷ মোৰ দায়িত্ব হ'ল সাংগঠনিক৷ মই দেখাত সভাপতি ৰিপুণ বৰাই কষ্ট কৰি দায়িত্ব পালন কৰি আছে৷”

উল্লেখযোগ্য যে একাংশ নেতাই সংবাদ মাধ্যমৰ ট্ৰেপত পৰি যি কোনো মন্তব্য কৰাৰ প্ৰসংগত তেওঁ নেতাক ভালকৈ কথাবোৰ বুজাই দিছে বুলি শুকুৰবাৰে সদৰি কৰে৷

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|