অসমৰ তিনি খন জিলাত পুনৰ সম্পূৰ্ণ ল’ক ডাউন, কোন কোন দিশত থাকিব শিথিলতা?

ৰাজ্যত অব্যাহত আছে কোৰোণাৰ সংহাৰী ৰূপ। কোৰোণাৰ ভয়াৱহতাৰ প্ৰতি লক্ষ্য ৰাখি ৰাজ্যৰ তিনিখন জিলাত আকৌ বলৱত্‍ কৰা হৈছে ল’ক ডাউন। অহা ২৬ আগষ্টৰ পৰা ৪ ছেপ্তেম্বৰলৈকে কোৰোণাৰ ভয়াৱহ সংক্ৰমণৰ প্ৰতি লক্ষ্য ৰাখি বৰাক উপত্যকাৰ কাছাৰ, কৰিমগঞ্জ আৰু হাইলাকান্দিত বলৱত্‍ কৰা হৈছে ল’ক ডাউন। এই কথা জানিবলৈ দিয়ে কৰিমগঞ্জৰ উপায়ুক্তই। আনকি এই সন্দৰ্ভত ৰাজ্যৰ মুখ্য সচিব কুমাৰ সঞ্জয় কৃষ্ণই জাৰি কৰিছে জাননী।



কি কি আছে নিৰ্দেশনাতঃ

• শিলচৰ, লক্ষীপুৰ, কাটিগড়াত, বাচকান্দি, বৰখলা, কালাইত সম্পূৰ্ণ ৰূপে বন্ধ থাকিব ব্যৱসায়িক প্ৰতিষ্ঠান।


• বন্ধ থাকিব সাপ্তাহিক আৰু অৰ্ধ-সাপ্তাহিক বজাৰ। কিন্তু অকলশৰীয়াকৈ থকা দোকান পুৱা ৮ বজাৰ পৰা বিয়লি ৪ বজালৈ খুলিব পাৰিব।


• যদিও ল’ক ডাউন বলৱত্‍ কৰা হৈছে, তথাপিও তিনিখন জিলাৰ মাজেৰে কোনো লোক আনৰাজ্যলৈ যাব বিচাৰিলে, বা ৰাজ্যৰ ভিতৰৰে অন্য ঠাইলৈ যাব বিচাৰিলে নাথাকিব কোনো বাধা। আৰু ইয়াৰ বাবে পাছ লোৱাৰো প্ৰয়োজন নাই।


• বন্ধ থাকিব ধৰ্মীয় অনুষ্ঠান।


• অব্যাহত থাকিব জৰুৰীকালীন সেৱাৰ যাতায়াত।


• কিন্তু নিৰ্মাণ কাৰ্য, কৃষি আৰু বাগিচাৰ কাম চলি থাকিব। খোলা থাকিব বেংক-ডাকঘৰ।


• পৰীক্ষাকেন্দ্ৰ আৰু কোৰোণা কেয়াৰ চেণ্টাৰলৈ যোৱাত অনুমতি।


• ই-ৰিক্সা চলিব। কিন্তু কেৱল শিক্ষাৰ্থী আৰু কোভিড কেয়াৰ চেণ্টাৰ বা চিকিত্‍সালয়লৈ যাত্ৰী নিয়াৰ ক্ষেত্ৰত হে ব্যৱহাৰ কৰিব পাৰিব।