আলফা(স্বা)ৰ মুখ্য সেনাধ্যক্ষ পৰেশ বৰুৱাক উদ্দেশ্যি মুখ্যমন্ত্ৰী সৰ্বানন্দ সোণোৱালৰ গুৰুত্বপূৰ্ণ মন্তব্য

কোকোৰাঝাৰৰ বড়োলেণ্ড দিৱস উদযাপন। উপস্থিত থাকে ৰাজ্যৰ মুখ্যমন্ত্ৰী সৰ্বানন্দ সোণোৱাল। বড়ো শান্তি চুক্তিৰ জৰিয়তে বড়ো ভূমি সন্ত্ৰাসবাদ মুক্ত কৰাৰ পিছত এইবাৰ আলফাৰ মুখ্য সেনাধ্যক্ষ পৰেশ বৰুৱাক উদ্দেশ্যি বিশেষ মন্তব্য মুখ্যমন্ত্ৰী সোণোৱালৰ। মুখ্যমন্ত্ৰী সৰ্বানন্দ সোণোৱালে আলফা (স্বাধীন)ৰ মুখ্য সেনাধ্যক্ষ পৰেশ বৰুৱাক আলোচনাৰ  মেজলৈ আহিবলৈ আহ্বান জনায়। একেলগে এখন শক্তিশালী অসম গঢ়াৰ স্বাৰ্থত পৰেশ বৰুৱাক আলোচনাৰ মাজলৈ আহিবলৈ কয় মুখ্যমন্ত্ৰী সোণোৱালে।

কোকৰাঝাৰত আয়োজন কৰা বড়োলেণ্ড দিৱসত মুখ্যমন্ত্ৰী সৰ্বানন্দ সোণোৱালে অন্যান্য বহু কেইটা দিশত কেইবাটাও গুৰুত্বপূৰ্ণ মন্তব্য কৰে। সোণোৱালে কয় যে, ‘ দিছপুৰৰ চৰকাৰ সন্মিলিত চৰকাৰ ৷ বৰাক-ব্ৰক্ষ্মপুত্ৰৰ সকলো জনগোষ্ঠীৰ প্ৰতিনিধিৰ এই চৰকাৰ।শেহতীয়া বড়ো চুক্তিক লৈ অন্যান্য জনগোষ্ঠীৰ লোকে শংকিত হ'ব নালাগে ৷ আমি ৰাজ্য চৰকাৰৰ মূৰব্বী হিচাপে এই কথা কৈছো ৷ আমাৰ BPF, AGPৰ সৈতে থকা মিত্ৰতা অটুত থাকিব ৷ শেহতীয়া বড়ো চুক্তিৰ পিছত আমি ৰাজ্য চৰকাৰে বড়োভূমিত এলানি কাম কৰিম ৷’