ৰাজ্যৰ অৰ্থনীতিবিদৰে মুখ্যমন্ত্ৰীৰ বৈঠক, বৈঠকৰ অন্তত কি ক’লে মুখ্যমন্ত্ৰীয়ে?

News18 Assam | News18-Assam
Updated:April 28, 2020, 4:48 PM IST
ৰাজ্যৰ অৰ্থনীতিবিদৰে মুখ্যমন্ত্ৰীৰ বৈঠক, বৈঠকৰ অন্তত কি ক’লে মুখ্যমন্ত্ৰীয়ে?
সম্ভাৱনা থকা সকলো ক্ষেত্ৰত বিনিয়োগৰ পৰামৰ্শ অৰ্থনীতিবিদসকলে৷

সম্ভাৱনা থকা সকলো ক্ষেত্ৰত বিনিয়োগৰ পৰামৰ্শ অৰ্থনীতিবিদসকলে৷

  • Share this:
খানাপাৰাত সমাপ্ত হ'ল মুখ্যমন্ত্ৰীৰ বৈঠক৷ জনতাই সন্মুখীন হোৱা অৰ্থনৈতিক সমস্যাক লৈ অৰ্থনীতিবিদৰে আলোচনাত মিলিত হ'ল মুখ্যমন্ত্ৰী সৰ্বানন্দ সোণোৱাল৷ ২৯গৰাকী অৰ্থনীতিবিদে পৰামৰ্শ আগবঢ়াইছে ৰাজ্য চৰকাৰক৷ কৃষি,উদ্যোগ,বাণিজ্য সকলো দিশত হ্ৰস্ব আৰু দীৰ্ঘম্যাদী আঁচনি লোৱাৰ পৰামৰ্শ অৰ্থনীতিবিদৰ৷ লগতে পৰামৰ্শ দিলে সম্পদৰ সম্ভাৱনাক আগুৱাই নিয়াৰ৷

মঙলবাৰে খানাপাৰাস্থিত প্ৰশাসনিক পদাধিকাৰী মহাবিদ্যালয়ত তিনি ঘণ্টাতকৈ অধিক সময় চলা বৈঠকৰ পিছত মুখ্যমন্ত্ৰীয়ে ক'লে, " শীঘ্ৰেই,অৰ্থনৈতিক কাম কাজ আগবঢ়াবলৈ পৰামৰ্শ দিছে অৰ্থনীতিবিদসকলে৷ কোৰোণাৰ বিৰুদ্ধে যুঁজখন চলাই নিবলৈ কৈছে৷ ১০০ দিনীয়া কৰ্মসূচী লোৱাৰ দিছে পৰামৰ্শ৷ টাস্ক ফ'ৰ্চ গঠন কৰি কৃষক, শ্ৰমিক, শিপিনীক সহায় কৰাৰ পৰামৰ্শ দিছে৷ দিছে অৰ্থনীতিৰ বুনিয়াদ গঢ়িবলৈ পৰামৰ্শ৷’’

সম্ভাৱনা থকা সকলো ক্ষেত্ৰত বিনিয়োগৰ পৰামৰ্শ অৰ্থনীতিবিদসকলে৷ যোগ্য যুৱকক টাস্ক ফ’ৰ্চত নিয়োগ কৰাৰো দিলে পৰামৰ্শ৷ বিত্ত মন্ত্ৰীয়ে দিয়া তথ্য ভিত্তিক প্ৰতিবেদনৰ ভিত্তিত অৰ্থনীতিবিদসকলে প্ৰদান কৰিছে পৰামৰ্শ৷ মুখ্যমন্ত্ৰীয়ে কয় – মোৰ দৃঢ় বিশ্বাস আমি অৰ্থনৈতিক দিশটো পুনৰ টনকিয়াল কৰিব পাৰিম ৷

ইয়াৰ লগতে আন কেতবোৰ পৰামৰ্শও আগবঢ়াইছে অৰ্থনীতিবিদ সকলে৷ যিবোৰ ছেক্টৰত ব্যয় কৰিব লাগে তাত প্ৰায়'ৰিটী ভিত্তিত ব্যয়ৰ পৰামৰ্শ দিছে৷ বাণিজ্য আৰম্ভ কৰাৰ পৰামৰ্শ দিছে৷ কৰ ৰাজহ তেতিয়াহে সংগ্ৰহ হ'বস্বাস্থ্য বিভাগৰ পৰামৰ্শৰ ভিত্তিত আমি লগতে এই কামবোৰ আৰম্ভ কৰিম বুলি সদৰি কৰিছে মুখ্যমন্ত্ৰী সৰ্বানন্দ সোণোৱালে৷
Published by: Sanjay Kumar Das
First published: April 28, 2020, 4:48 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading