‘লেম্বৰঘিনি’ৰ আসনত মুখ্যমন্ত্ৰী ড৹ হিমন্ত বিশ্ব শৰ্মা; কাছাৰৰ এজন যুৱকে মুখ্যমন্ত্ৰীৰ বাবে সাজি উলিয়ালে ‘লেম্বৰঘিনী’আৰ্হিৰ আকৰ্ষণীয় বাহন

মঙলবাৰে অসম চৰকাৰৰ কেবিনেট বৈঠক শিলচৰত অনুষ্ঠিত হয়। এই বৈঠকত বিভিন্ন গুৰুত্বপূৰ্ণ সিদ্ধান্ত গ্ৰহণ কৰা হৈছে। কিন্তু এই বৈঠকৰ আন এক আকৰ্ষণ আছিল এখন ‘লেম্বৰঘিনি’ বাহন। অসমৰ মুখ্যমন্ত্ৰীয়ে ড৹ হিমন্ত বিশ্ব শৰ্মাই শিলচৰত আয়োজিত কেবিনেট বৈঠকৰ শেষত এজন যুৱকে সাজি উলিওৱা ব্যয়বহুল ‘লেম্বৰঘিনি’ আৰ্হিৰ এখন বাহনত বহি ইয়াক চলাই আমেজ লয়। লগতে মুখ্যমন্ত্ৰীয়ে যুৱকজনক তেওঁৰ কামৰ বাবে উৎসাহিত কৰে। দৰাচলতে মুখ্যমন্ত্ৰীয়ে ৰাজ্যৰ বিভিন্ন ঠাইত কেবিনেট বৈঠক আয়োজন কৰাৰ সিদ্ধান্ত গ্ৰহণ কৰিছে যাতে ইয়াৰ বাবে সেই নগৰ অঞ্চলৰ উন্নতি হ’ব পাৰে।

Wrapped up my day at Silchar with a walk from Itkhola to Circuit House along with our karyakartas. Happy to meet a lot of warm-hearted along the way.

Also had the thrill of being at the wheel of a 'Lamborghini' assembled by Nurul Haque, a car enthusiast from Karimganj. pic.twitter.com/7EMsG4MtbT

— Himanta Biswa Sarma (@himantabiswa) November 29, 2022

তেওঁ সামাজিক মাধ্যমত এটা পোষ্ট কৰি কয় যে, ‘‘শিলচৰত মোৰ দিনটোৰ কাম শেষ কৰাৰ পিছত আমাৰ কৰ্মকৰ্তাসকলৰ সৈতে ইটখোলাৰ পৰা চাৰ্কিট হাউচলৈ খোজ কাঢ়িলো। বাটত বহুতো উষ্ম হৃদয়ৰ লোকসকলক লগ পাই সুখী হ’লো। লগতে, কৰিমগঞ্জৰ এজন গাড়ী উৎসাহী যুৱক নুৰুল হকে একত্ৰিত 'লেম্বৰঘিনি' আৰ্হিৰ বাহনত কৰা বহি ইয়াৰ আমেজ ল’লো।’’

শিলচৰৰ ইটাখোলাত অনুষ্ঠিত কেবিনেট বৈঠকৰ শেষত চহৰখনৰ চাৰ্কিত হাউচলৈ খোজ কাঢ়ি গৈ থাকোতে বাটত তেওঁৰ বাবে বিশেষকৈ কৰিমগঞ্জৰ নিবাসী যুৱক নুৰুল হকে এক আকৰ্ষণীয় বাহন একত্ৰিত কৰি সাজি উলিওৱা বাহনখনৰ আমেজ লোৱা পৰিলক্ষিত হয়।