বৰছলাৰ অৰিয়ানতলীত সুৰাক কেন্দ্ৰ কৰি দুই ফৈদৰ মাজত প্ৰচণ্ড সংঘাত, কেইবাজনো আহত

News18 Assam | News18-Assam
Updated:August 16, 2020, 9:38 PM IST
বৰছলাৰ অৰিয়ানতলীত সুৰাক কেন্দ্ৰ কৰি দুই ফৈদৰ মাজত প্ৰচণ্ড সংঘাত, কেইবাজনো আহত
এই ঘটনাক যাতে কোনেও সাম্প্ৰদায়িক ৰূপ দিব নোৱাৰে তাৰ প্ৰতি লক্ষ্য ৰাখি অৰিয়ানতলী এলেকাত সান্ধ্য আইন জাৰি কৰিছে শোণিতপুৰ জিলা প্ৰশাসনে।

এই ঘটনাক যাতে কোনেও সাম্প্ৰদায়িক ৰূপ দিব নোৱাৰে তাৰ প্ৰতি লক্ষ্য ৰাখি অৰিয়ানতলী এলেকাত সান্ধ্য আইন জাৰি কৰিছে শোণিতপুৰ জিলা প্ৰশাসনে।

  • Share this:
সুৰা বিক্ৰীক কেন্দ্ৰ কৰি শনিবাৰে উত্তপ্ত পৰিস্থিতিৰ সৃষ্টি হয় শোণিতপুৰ জিলাৰ অৰিয়ানতলী গাঁও আৰু অৰুণ চাহ বাগিচাত। শোণিতপুৰ জিলাৰ বৰছলা সমষ্টিৰ অন্তৰ্গত অৰিয়ানতলী অঞ্চলৰ এজন স্থানীয় লোকে অনুজ্ঞাপত্ৰ অবিহনে দীৰ্ঘদিনৰ পৰাই সুৰাৰ ব্যৱসায় কৰি আহিছিল। কিন্তু যোৱানিশা অৰুণ চাহ বাগিচাৰ কেইজন মান যুৱকে সুৰা ক্ৰয় কৰিবলৈ গৈ কোনো কথাত দুইপক্ষৰ মাজত কথাৰ কটা-কটি হওঁতেই সুৰা ব্যৱসায়ী যুগল নাথে বতল ভাঙি বাগিচাখনৰ যুৱক কেইজনক আক্ৰমণ কৰে৷ ফলত আহত হয় কেইবাজনো যুৱক। তাৰ পিছতে অধিক উত্তপ্ত হৈ পৰে পৰিস্থিতি।

নিশাই যুৱককেইজনক চিকিৎসালয়লৈ প্ৰেৰণ কৰি বাগিচা কৰ্তৃপক্ষই চিকিৎসাৰ ব্যৱস্থা কৰে যদিও আজি পুৱা আক্ৰমণকাৰী যুৱক কেইজনক বাগিচাৰ লোকসকলে আলোচনাৰ বাবে বিচাৰি গৈ ঘৰত নোপোৱাত তেওঁলোকৰ বাসগৃহ লণ্ডভণ্ড কৰে। চাহ বাগিচাৰ একাংশ লোকে পাঁচটাকৈ বাসগৃহ ক্ষতিসাধন কৰে৷ পৰিস্থিতি অধিক উত্তপ্ত হৈ পৰাত শোণিতপুৰ জিলা আৰক্ষী অধীক্ষক মুগ্ধজ্যোতি মহন্ত, অতিৰিক্ত আৰক্ষী অধীক্ষক নোমল মাহাতোসহ আৰক্ষীৰ দল,  আটছা, আছা, যুৱ ছাত্ৰ পৰিষদ, চাহ মজদুৰ সংঘৰ বিষয়ববীয়াই ঘটনাস্থলীত উপস্থিতি হৈ পৰিস্থিতি নিয়ন্ত্ৰণ কৰে।

ইফালে, এই ঘটনাক যাতে কোনেও সাম্প্ৰদায়িক ৰূপ দিব নোৱাৰে তাৰ প্ৰতি লক্ষ্য ৰাখি অৰিয়ানতলী এলেকাত সান্ধ্য আইন জাৰি কৰিছে শোণিতপুৰ জিলা প্ৰশাসনে। আনহাতে, ঘটনাৰ সুত্ৰপাত ঘটোৱা যুৱক যুগল নাথক নিশাই ঢেকিয়াজুলি আৰক্ষীয়ে আটক কৰে। এই ঘটনা সংক্ৰান্তত দুই পক্ষৰেই এজাহাৰ গ্ৰহণ কৰি ঘটনাৰ উপযুক্ত তদন্ত কৰি দোষীক কঠোৰ শাস্তি প্ৰদানৰ পোষকতা কৰে শোণিতপুৰ জিলাৰ আৰক্ষী অধীক্ষক মুগ্ধজ্যোতি মহন্তই।
Published by: Sanjay Kumar Das
First published: August 16, 2020, 9:38 PM IST
আৰু চাওক
পৰৱৰ্তী বাতৰি

শেহতীয়া বাতৰি