Price Rise : মূল্যবৃদ্ধিৰ বিৰুদ্ধে ৰাজ্যজুৰি CITUৰ প্ৰতিবাদ, পেট্ৰ'ল-ডিজেল, অত্যাৱশ্যকীয় সামগ্ৰীৰ মূল্যবৃদ্ধি ৰোধৰ দাবী।

ৰাজ্যজুৰি নিত্য আৱশ্যকীয় সামগ্ৰীৰ আকাশলংঘী মূল্যবৃদ্ধি হোৱাত সৰ্বসাধাৰণ জনতাৰ পানীত হাঁহ নচৰা অৱস্থা হৈছে। পেট্ৰ'ল-ডিজেলকে আদি কৰি সকলো অত্যাৱশ্যকীয় সামগ্ৰীৰ হোৰাহোৰে মূল্যবৃদ্ধিৰ বিৰুদ্ধে সোমবাৰে ৰাজ্যজুৰি প্ৰতিবাদ সাব্যস্ত কৰে CITUৱে।

হোজাইতো মূল্যবৃদ্ধি ৰোধ কৰাৰ দাবীত সোমবাৰে বিয়লি সাব্যস্ত কৰা হয় প্ৰতিবাদ। CITUৰ উদ্যোগত কেইবাটাও শ্ৰমিক সংগঠনে পুৰণি বজাৰ নেতাজী কৰ্ণাৰৰ সমীপত  সাব্যস্ত কৰে প্ৰতিবাদ। "মূল্যবৃদ্ধি ৰোধ কৰক নহ'লে গাদী এৰক" শ্লোগানেৰে প্ৰতিবাদকাৰীসকলে উত্তাল কৰি তোলে প্ৰতিবাদস্থলী। কেন্দ্ৰীয় আৰু ৰাজ্য চৰকাৰে মূল্যবৃদ্ধি ৰোধ নকৰিলে জংগী আন্দোলন গঢ়ি তোলাৰ হুংকাৰ দিয়ে প্ৰতিবাদকাৰীসকলে।