Conversion in Assam : পোহৰলৈ আহিছে ধৰ্মান্তৰকৰণৰ ভয়ংকৰ তথ্য, ৰাজ্যত গোপনে চলিছে খ্ৰীষ্টান ধৰ্মৰ আগ্ৰাসন

অসমত গোপনে চলিছে খ্ৰীষ্টান ধৰ্মৰ আগ্ৰাসন ৷ পোহৰলৈ আহিছে ধৰ্মান্তৰকৰণৰ ভয়ংকৰ তথ্য ৷ হিন্দু ধৰ্মৰ লগতে থলুৱা ভাষা-কৃষ্টি-সংস্কৃতিলৈ ভাবুকি কঢ়িয়াই আনিছে এটা দুষ্টচক্ৰই৷ বিশেষকৈ কৃষিজীৱী তিৱা আৰু কাৰ্বি জনজাতীয় লোকসকলক প্ৰলোভনৰ জালত বন্দী কৰি খ্ৰীষ্টান ধৰ্মলৈ ধৰ্মান্তৰিত কৰাত উঠিপৰি লাগিছে এই দুষ্টচক্ৰটো ৷

শেহতীয়াকৈ এইক্ষেত্ৰত কঠোৰ হৈছে সদৌ হিন্দু ধৰ্ম সুৰক্ষা সমিতি ৷ পূৰ্বে প্ৰলোভনৰ জালত পৰি ধৰ্মান্তৰিত হোৱা ব্যক্তিসকলক পুনৰ নিজ ধৰ্মলৈ ওভতাই অনাৰ প্ৰয়াস চলাইছে সংগঠনটোৱে ৷ সংগঠনটোৰ উদ্যোগত আৰু জাগীৰোডৰ কেইবাগৰাকী সমাজ সচেতন ব্যক্তিৰ সহযোগত পশ্চিম কাৰ্বি আংলঙৰ ২০টা পৰিয়ালৰ প্ৰায় ২০০গৰাকী সদস্যক উদ্ধাৰ কৰা হয় নিজ ধৰ্মলৈ ৷

পশ্চিম কাৰ্বি আংলঙৰ আমৰি সমষ্টিৰ লেমৰা গাঁৱত আয়োজন কৰা তিৱা, কাৰ্বি ধৰ্ম-সংস্কৃতি সভা আৰু উদ্ধাৰ পৰ্ব অনুষ্ঠানত পৰম্পৰাগত ৰীতি-নীতিৰ মাজেৰে পুনৰ উদ্ধাৰ কৰা হয় ধৰ্মান্তৰিত এই লোকসকলক। নিজৰ ভাষা-কৃষ্টি-সংস্কৃতি ৰক্ষাৰ স্বাৰ্থত খ্ৰীষ্টান ধৰ্ম ত্যাগ কৰি পুনৰ নিজ ধৰ্মলৈ উভতি আহে এইসকল কাৰ্বি আৰু তিৱা লোক ৷ আগন্তুক দিনত এই উদ্ধাৰ পৰ্ব সমগ্ৰ অসমব্যাপী অধিক শক্তিশালী কৰা হ’ব বুলি মন্তব্য কৰে সংগঠনটোৰ কৰ্মকৰ্তাই।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।