পাহাৰীয়া জিলাৰ শক্তিশালী আঞ্চলিক দল ASDCৰ নতুন সভাপতিৰ দায়িত্বত চন্দ্ৰকান্ত তেৰাং

News18 Assam | News18-Assam
Updated:July 20, 2020, 9:17 AM IST
পাহাৰীয়া জিলাৰ শক্তিশালী আঞ্চলিক দল ASDCৰ নতুন সভাপতিৰ দায়িত্বত চন্দ্ৰকান্ত তেৰাং
পাহাৰীয়া জিলাৰ এই শক্তিশালী আঞ্চলিক দলটোৰ মুৰব্বী প্ৰাক্তন মন্ত্ৰী হলিৰাম তেৰাঙে LDP দলত যোগ দিয়াত খালী হৈছিল দলটোৰ সভাপতি পদ।

পাহাৰীয়া জিলাৰ এই শক্তিশালী আঞ্চলিক দলটোৰ মুৰব্বী প্ৰাক্তন মন্ত্ৰী হলিৰাম তেৰাঙে LDP দলত যোগ দিয়াত খালী হৈছিল দলটোৰ সভাপতি পদ।

  • Share this:
পাহাৰীয়া জিলাৰ শক্তিশালী আঞ্চলিক দল ASDCৰ নতুন সভাপতিৰ দায়িত্বত প্ৰাক্তন বিধায়ক চন্দ্ৰকান্ত তেৰাং। কাৰ্বি আংলং, পশ্চিম কাৰ্বি আংলং আৰু ডিমা হাছাওৰ একমাত্ৰ শক্তিশালী আঞ্চলিক দল Autonomous State Demand Committee (ASDC)ৰ ১৯৯১ চনৰ পৰা বৰ্তমানলৈ দুজন সাংসদ ক্ৰমে লোকসভালৈ জয়ন্ত ৰংপী আৰু ৰাজ্য সভালৈ প্ৰকান্ত ৱাৰিছা নিৰ্বাচিত হৈছে। আনহাতে ১৯৯১ চনৰ পৰা এই পৰ্যন্ত ১২গৰাকী বিধায়ক নিৰ্বাচিত কৰিছে।

১৯৯৬ চনৰ বিধানসভা নিৰ্বাচনত পাহাৰৰ পাঁচটা সমষ্টিতে ASDC প্ৰাৰ্থী ক্ৰমে হাফলঙত সমৰজিৎ হাফলংবাৰ, বোকাজানত জগতছিং ইংতি, ডিফুত হেমছিং টিছো, হাওৰাঘাটত চন্দ্ৰকান্ত তেৰাং আৰু বৈঠালাংছু সমষ্টিত হলিৰাম তেৰাং নিৰ্বাচিত হৈছিল। ASDC দলে কাৰ্বি আংলং আৰু ডিমা হাছাও স্বায়িত্তশাসিত পৰিষদো গঠন কৰিবলৈ সক্ষম হৈছে।

ASDCৰ দুই জ্যেষ্ঠ নেতা হলিৰাম তেৰাং আৰু জগতছিং ইংতিয়ে একেৰাহে তিনিটা কাৰ্যকালৰ বাবে বিধায়ক নিৰ্বাচিত হৈছিল। পাহাৰীয়া জিলাৰ এই শক্তিশালী আঞ্চলিক দলটোৰ মুৰব্বী প্ৰাক্তন মন্ত্ৰী হলিৰাম তেৰাঙে LDP দলত যোগ দিয়াত খালী হৈছিল দলটোৰ সভাপতি পদ। যিটো পদত অধিষ্ঠিত হয় হাওৰাঘাট সমষ্টিৰ প্ৰাক্তন বিধায়ক তথা দলটোৰ কাৰ্যকৰী সভাপতি চন্দ্ৰকান্ত তেৰাং। চন্দ্ৰকান্ত তেৰাং আৰু প্ৰাক্তন সাংসদ তথা প্ৰাক্তন CEM জয়ন্ত ৰংপিৰ নেতৃত্বত ASDC দলটোৱে পুনৰ প্ৰাণ পাই উঠিব বুলি আশা কৰিছে পাহাৰীয়া জিলা তিনিখনৰ আঞ্চলিকতাবাদী ৰাইজে।
Published by: Sanjay Kumar Das
First published: July 20, 2020, 9:17 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading