কা আন্দোলনত হেনো ভাগ লোৱা নাছিল বিদ্যাসাগৰে, আকৌ কা আন্দোলনৰ নেতৃত্ব ল'বলৈ সাজু লুৰিণজ্যোতি গগৈ

CAAক লৈ এতিয়া পুনৰ  চলিছে চৰ্চা ৷ কৃষক আন্দোলন সফল হ'ল ৷ তিনিখনকৈ কৃষি আইন বাতিল কৰা হ'ব বুলি আশ্বাস দিলে দেশৰ প্ৰধানমন্ত্ৰী নৰেন্দ্ৰ মোদীয়ে ৷ কিন্তু কা আন্দোলনে নেদেখিলে সফলতাৰ মুখ ৷ আন্দোলনকাৰী পৰৱৰ্তী সময়ত ৰাজনীতিৰ সৈতে জড়িত হৈ পৰাত আন্দোলন হৈ পৰিল স্থগিত ৷ নিজৰ মতত অটল থাকি ইটোৰ পিছত সিটো নিৰ্বাচনত জয়ী হ'ল শাসকীয় দল ৷ কা আন্দোলনৰ কথা ওলালেই সেয়ে মুখ্যমন্ত্ৰীৰ পৰা অধিকাংশ শাসকীয় দলৰ নেতা নেত্ৰীৰ মুখত শুনা পোৱা যায় গৈছে এনে মন্তব্য—

মুখ্যমন্ত্ৰীঃ আন্দোলন কৰিবলৈ এতিয়া ৰাজপথলৈ কোনো ওলাই নাহে ৷ আন্দোলনৰ পৰিৱেশ অসমত নাই এতিয়া ৷

আঙুৰলতা ডেকা: কা আন্দোলন নাটক আছিল ৷ বহুতে নাটকহে কৰিছিল আন্দোলনৰ নামত ৷

বিদ্যা সাগৰ: আন্দোলনত আমি ভাগ লোৱা নাছিল ৷ কোনে কি কৰিছিল সকলোৱে দেখিছে৷

এতিয়া মুখ্যমন্ত্ৰী তথা বিজেপিক উভতি ধৰিলে অসম জাতীয় পৰিষদৰ সভাপতি লুৰিণজ্যোতি গগৈয়ে ৷ মুখ্যমন্ত্ৰীক আবোল-তাবোল নবকিবলৈ সকীয়নি দিলে লুৰিণজ্যোতি গগৈয়ে ৷ পুনৰ ৰাইজে বিচাৰিলে কা আন্দোলনৰ নেতৃত্ব ল'বলৈ সাজু লুৰিণজ্যোতি, অখিল গগৈ ৷

প্ৰয়োজনত বিধায়ক পদ এৰিবলৈও সাজু শিৱসাগৰৰ বিধায়ক অখিল গগৈ ৷ পিছে অখিল গগৈৰ নেতৃত্ব নিবিচাৰ AIUDFৰ বিধায়ক ড৹ হাফিজ ৰফিকুল ইছলামে ৷ অখিল গগৈৰ নাম শুনিয়েই জাঙুৰ খাই উঠি ক'লে, 'বাদ দিয়কহে অখিল গগৈৰ কথা ৷'

ইফালে বিৰোধী দলপতি দেৱব্ৰত শইকীয়াই আক' মুখ্যমন্ত্ৰী ড৹ হিমন্ত বিশ্ব শৰ্মাই আন্দোলনকাৰী নেতাই সাংসদ বিধায়ক হ'বলৈহে আন্দোলন কৰে বুলি কোৱাৰ প্ৰত্যুত্তৰত ক'লে,'পুৰণি ঘা খুচৰিব খোজা নাই ৷'এতিয়া কথা হ'ল আন্দোলন বাৰু হ'বই কিন্তু কাৰ নেতৃত্বত? কোনোবাই যদি অখিল গগৈক নিবিচাৰে কোনোবাই নিবিচাৰে লুৰিণজ্যোতি গগৈক ৷