CAAৰ ওপৰত স্থগিতাদেশ নাই! অসমৰ কাৰণে উচ্চতম ন্যায়ালয়ৰ ফালৰ পৰা কি সিদ্ধান্ত?

News18 Assam | News18-Assam
Updated:January 22, 2020, 1:27 PM IST
CAAৰ ওপৰত স্থগিতাদেশ নাই! অসমৰ কাৰণে উচ্চতম ন্যায়ালয়ৰ ফালৰ পৰা কি সিদ্ধান্ত?
উচ্চতম ন্যায়ালয়ৰ ১০ টা গুৰুত্বপূৰ্ণ সিদ্ধান্ত

উচ্চতম ন্যায়ালয়ৰ ১০ টা গুৰুত্বপূৰ্ণ সিদ্ধান্ত

  • Share this:
নাগৰিকত্ব সংশোধনী আইনৰ বিৰুদ্ধে ৰাজ্যত ধাৰাবাহিক ভাবে চলি আছে প্ৰতিবাদ। তাৰ মাজতেই আজি নাগৰিকত্ব সংশোধনী আইন সন্দৰ্ভত উচ্চতম ন্যায়ালয়ৰ  গুৰুত্বপূৰ্ণ সিদ্ধান্ত।

১০ টা গুৰুত্বপূৰ্ণ সিদ্ধান্ত


  • উচ্চতম ন্যায়ালয়ে নাগৰিকত্ব সংশোধনী আইনৰ বিষয়টো সাংবিধানিক বিচাৰপীঠলৈ প্ৰেৰণৰ ইংগিত দিছে। গঠন হ’বলগীয়া সংবিধানিক বিচাৰপীঠত এতিয়া চাৰি সপ্তাহৰ পিছত পুনৰ শুনানি হ’ব CAAকলৈ। মুখ্য ন্যায়াধীশ এছ এ বোবডে, ন্যায়াধীশ আব্দুল নজীৰ আৰু ন্যায়াধীশ সঞ্জীৱ খত্তাই বুধবাৰে এই শুনানি গ্ৰহণ কৰে।

  • নাগৰিকত্ব সংশোধনী আইনৰ সন্দৰ্ভত উচ্চতম ন্যায়ালয়ৰ তৰফৰ পৰা অসম তথা উত্তৰ–পূৰ্বাঞ্চল আৰু উত্তৰ প্ৰদেশৰ গোচৰৰ বাবে হ’ব পৃথক শুনানি হ’ব বুলি জনোৱা হৈছে। ন্যায়ালয়ত বিকাশ সিং, ইন্দিৰা জয়সিঙে আপীল কৰে যে, অসমৰ বিষয়টো সম্পূৰ্ণ সুকীয়া, গতিকে অতি সোনকালে সমাধান সূত্ৰ ওলাব লাগে।

  • CAA সন্দৰ্ভত অসম তথা উত্তৰ–পূৰ্বাঞ্চল আৰু উত্তৰ প্ৰদেশৰ বাবে পৃথক বিচাৰপীঠ। অসম লগত জড়িত প্ৰশ্নৰ উত্তৰ দিবলৈ কেন্দ্ৰক ৪ সপ্তাহৰ সময়সীমা উচ্চতম ন্যায়ালয়ৰ।

  • অধিবক্তা কপিল সীবালে আপীল কৰে যে, সমগ্ৰ বিষয়টো সাংবিধানিক বিচাৰপীঠক অৰ্পণ কৰিব লাগে। উত্তৰ প্ৰদেশত CAA ৰ প্ৰক্ৰিয়া আৰম্ভণীৰে পৰা চলি আছে, ফলত ইয়াক তিনি মাহৰ বাবে স্থগিত কৰি লাগে। কিন্তু ন্যায়ালয়ে অস্বীকাৰ কৰে।


  • নাগৰিকত্ব সংশোধনী আইনৰ বিষয়টোৰ পৰা উচ্চ ন্যায়ালয়ক আঁতৰাই ৰখাৰ নিৰ্দেশ।

  • অধিবক্তাই আপীল কৰিছিল যে, নাগৰিকত্ব সংশোধনী আইন অতি সোনকালে বাতিল কৰিব লাগে। কিন্তু মুখ্য ন্যায়াধীশে কয় যে, এই বিষয়ত কেৱল সাংবিধানিক বিচাৰপীঠে হে সিদ্ধান্ত ল’ব।

  • উচ্চতম ন্যায়ালয়ত এই বিষয়টো সন্দৰ্ভত নতুন আবেদন কৰিব পৰা যাব। কেন্দ্ৰীয় চৰকাৰৰ তৰফৰ পৰা কোৱা হৈছিল যে, নতুন আবেদন কৰা বন্ধ কৰিব লাগে।

  • সকলো আবেদন পৰীক্ষা নকৰাকৈ বিষয়টোত স্থগিতাদেশ জাৰি কৰিবলৈ অস্বীকাৰ কৰে উচ্চতম ন্যায়ালয়ে।

  • আগলৈ এই বিষয়টোৰ শুনানিৰ বাবে বহু কেইটা প্ৰক্ৰিয়া থাকিব। ইয়াত মুখ্য ন্যায়াধীশৰ চেম্বাৰ চিনাক্ত কৰা হৈছে। চেম্বাৰত হোৱা শুনানিত এটা গোচৰত এজন অধিবক্তাই হে সুবিধা পাব।

  • উচ্চতম ন্যায়ালয়ত নাগৰিকত্ব সংশোধনী আইনৰ বিৰুদ্ধে মুঠতে ১৪১ খন আবেদন দাখিল কৰা হৈছিল। সেইদৰে আইনৰ সপক্ষে দাখিল কৰা হৈছিল এখন আবেদন। আৰু এখন আবেদন কেন্দ্ৰীয় চৰকাৰৰ তৰফৰ পৰা দাখিল কৰা হৈছিল।

Published by: Himangshu Bhuyan
First published: January 22, 2020, 1:24 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading