• Home
  • »
  • News
  • »
  • assam
  • »
  • Assam bye Election: গৰুখুঁটিৰ উচ্ছেদ আৰু মূল্যবৃদ্ধিৰ ইছ্যুৰে ভোটাৰৰ কাষ চাপিব AIUDF

Assam bye Election: গৰুখুঁটিৰ উচ্ছেদ আৰু মূল্যবৃদ্ধিৰ ইছ্যুৰে ভোটাৰৰ কাষ চাপিব AIUDF

নিজৰ মানুহক গৰু-ছাগলীৰ দৰে ব্যৱহাৰ কৰিছে চৰকাৰে: AIUDF

নিজৰ মানুহক গৰু-ছাগলীৰ দৰে ব্যৱহাৰ কৰিছে চৰকাৰে: AIUDF

নিজৰ মানুহক গৰু-ছাগলীৰ দৰে ব্যৱহাৰ কৰিছে চৰকাৰে: AIUDF

  • Share this:
মূল্যবৃদ্ধি আৰু উচ্ছেদৰ প্ৰসংগ লৈ উপ-নিৰ্বাচনত ভোটাৰৰ কাষ চাপিব বদৰুদ্দিন আজমলৰ AIUDF ৷ পিছে পাঁচটা সমষ্টিৰ ভিতৰত দুটাত প্ৰাৰ্থীত্ব দিয়া AIUDFয়ে নিজৰ দখললৈ নিব পাৰিবনে দুয়োটা সমষ্টি?

৩০ অক্টোবৰত ৰাজ্যৰ পাঁচটা সমষ্টিত উপ-নিৰ্বাচন অনুষ্ঠিত হ'ব। এই পাঁচটা সমষ্টিৰ নিৰ্বাচনত এইবাৰ মহাজোঁট একত্ৰিত হৈ প্ৰতিদ্বন্দিতা কৰা নাই ৷ বিগ বাৰ্ডাৰ কংগ্ৰেছে মহাজোঁটৰ পৰা আঁতৰাই পঠিওৱাৰ পিছত অকলে উপ নিৰ্বাচনত অৱৰ্তীণ হোৱা AIUDFয়ে  ৰাইজৰ কাষলৈ যাব দুটা ইছ্যুলৈ ৷ এটা হ'ল আকাশলংঘী মূল্যবৃদ্ধি ৷ আনটো হ'ল গৰুখুঁটিৰ উচ্ছেদ অভিযান ৷

এই দুটা ইছ্যুক নিৰ্বাচনী বিষয় কৰি ৰাইজৰ ওচৰলৈ ভোট বিচাৰি যাব বদৰুদ্দিন আজমলৰ AIUDF ৷ AIUDFৰ বিধায়ক কৰিম উদ্দিনৰ দাবী-  “চৰকাৰে নিজৰ মানুহক গৰু-ছাগলীৰ দৰে ব্যৱহাৰ কৰিছে ৷ এই অমানৱীয় কাৰ্যক লৈ আমি ৰাইজৰ ওচৰলৈ যাম ৷”

পাঁচটা সমষ্টিৰ ভিতৰত দুটা সমষ্টিত প্ৰাৰ্থীত্ব দিয়া AIUDFয়ে পিছে ভৱানীপুৰ সমষ্টিটো পুনৰ নিজৰ দখললৈ আনিব পাৰিবনে নাই, তাকলৈ সন্দিহান ৷ কিন্তু ভোটৰ অংকত গোসাঁইগাঁও সমষ্টিটোতহে অধিক গুৰুত্ব দিছে AIUDFয়ে ৷

ইপিনে সততে AIUDFৰ বিধায়কসকলে অখিল গগৈৰ বিৰুদ্ধে সৰব হৈ থাকে ৷ বৃহস্পতিবাৰেও বিধায়ক কৰিম উদ্দিন বৰভূঞাই অখিলক BJPৰ হৈ কাম কৰি অহা বুলি পুনৰ দাবী কৰে ৷
Published by:Himangshu Bhuyan
First published:

শেহতীয়া বাতৰি