মুখ্যপৃষ্ঠা » খবৰ

» অসম

»বিগ ব্ৰাদাৰ বিজেপিয়ে UPPLক দিবনে গোসাঁইগাঁও, তামুলপুৰ? কোন হ'ব মাজুলীত সোণোৱালৰ উত্তৰসূৰী?

বিগ ব্ৰাদাৰ বিজেপিয়ে UPPLক দিবনে গোসাঁইগাঁও, তামুলপুৰ? কোন হ'ব মাজুলীত সোণোৱালৰ উত্তৰসূৰী?

News18 Assam | News18-Assam
Updated:September 28, 2021, 5:42 PM IST
বিগ ব্ৰাদাৰ বিজেপিয়ে UPPLক দিবনে গোসাঁইগাঁও, তামুলপুৰ? কোন হ'ব মাজুলীত সোণোৱালৰ উত্তৰসূৰী?
উপনিৰ্বাচন হ'বলগীয়া সমষ্টিসমূহৰ ভিতৰত সকলোৰে দৃষ্টি নিবদ্ধ হৈছে মাজুলী সমষ্টিত।

উপনিৰ্বাচন হ'বলগীয়া সমষ্টিসমূহৰ ভিতৰত সকলোৰে দৃষ্টি নিবদ্ধ হৈছে মাজুলী সমষ্টিত।

  • News18 Assam
  • Last Updated: September 28, 2021, 5:42 PM IST
  • Share this:

৩০ অক্টোবৰত উপ-নিৰ্বাচন ৷ গোসাঁইগাঁও, তামুলপুৰ লাগে UPPLক ৷ কি কৰিব বিগ ব্ৰাডাৰ বিজেপিয়ে? বিজেপিৰ সন্মুখত প্ৰত্যাহ্বান নহ'লেও উপ-নিৰ্বাচন হ'বলগীয়া সমষ্টিসমূহৰ ভিতৰত এই দুই সমষ্টিয়ে আনিব পাৰে ৰাজনৈতিক টুইষ্ট ৷


UPPLৰ আত্মবিশ্বাস এই দুই সমষ্টি বিগ ব্ৰাডাৰ বিজেপিয়ে এৰি দিব দলটোক৷ কিন্তু ইমানুৱেল মুছাহাৰীয়ে তামুলপুৰৰ বিধায়ক পদ ত্যাগ কৰি BPF এৰি বিজেপিলৈ অহাৰ একো দাম নাপাবনে?  হয়তো পাব ৷ বিজেপিয়ে সততে ত্যাগ কৰাসকলক গুৰুত্ব দিয়ে বুলি এক ধাৰণা মানুহৰ মনত শিপাই তোলাত সফল হৈছে ৷


প্ৰকৃতাৰ্থত ত্যাগৰ কিমান মূল্য বিজেপিয়ে কাক দিছে সেয়া অৱশ্যেই আলোচনাৰ বিষয় ৷ যি নহওক, এই দুই সমষ্টিক বাদ দি আন এক গুৰুত্বপূৰ্ণ সমষ্টি ভৱানীপুৰ ৷ দীৰ্ঘদিন ধৰি সমষ্টিটো দখলত আছে AIUDFৰ ৷ পিছে এই সমষ্টিটো বিজেপিয়ে দখল কৰিবৰ বাবে সকলো চেষ্টা অব্যাহত ৰাখিছে ৷ শেহতীয়াকৈ বিজেপিক প্ৰায় তিনি–চাৰিটা নিৰ্বাচনত জয়ী হ'বলৈ নিদিয়া এসময়ৰ নিৰ্দলীয় প্ৰাৰ্থী তথা ২০২১ত AIUDFৰ চিহ্নত বিধানসভালৈ নিৰ্বাচিত হৈ অহা ফণীধৰ তালুকদাৰ এতিয়া বিজেপিত ৷



বিজেপিৰ মতে, ভৱানীপুৰ দখল কৰিব বিজেপিয়ে ৷ "অসম আন্দোলনৰ শ্বহীদ খৰ্গেশ্বৰ তালুকদাৰক লৈ যিটো সমষ্টিৰ এক মৰ্যাদা আছিল, সেই সমষ্টিৰ পৰা অসম আন্দোলনৰ বিৰোধিতা কৰি জন্ম হোৱা দল এটা জিকে ৷ এয়া অসম আৰু অসমীয়াই নিবিচাৰে ৷ ফণীধৰ তালুকদাৰে নিৰ্দলীয় হৈ থিয় দিয়াৰ বাবে আমি সমষ্টিটো নিজৰ দখললৈ আনিব পৰা নাছিলোঁ ৷ এইবাৰ ভৱানীপুৰ আমাৰ ৷ কাৰণ ফণীধৰ তালুকদাৰ এতিয়া আমাৰ লগত ৷" —পৱিত্ৰ মাৰ্ঘেৰিটাই কয়।


ইফালে, থাওৰা আৰু মৰিয়নিত বিজেপিৰ প্ৰাৰ্থী হ'ব কংগ্ৰেছ এৰি বিজেপিলৈ অহা সুশান্ত বৰগোহাঁই আৰু ৰূপজ্যোতি কুৰ্মী ৷ আমাৰ হাতত থকা তথ্য মতে এই দুটা সমষ্টিত বিজেপিয়ে প্ৰক্ষেপ কৰিব সুশান্ত আৰু ৰূপজ্যোতিকে ৷ বাকি থাকিল মাজুলী,  উপনিৰ্বাচন হ'বলগীয়া সমষ্টিসমূহৰ ভিতৰত সকলোৰে দৃষ্টি নিবদ্ধ হৈছে মাজুলী সমষ্টিত ৷ নিৰ্বাচন আয়োগে দিন ঘোষণা কৰাৰ লগে লগে নিৰ্বাচনত জঁপিয়াই পৰা শাসকীয় দল বিজেপি চিন্তিত নহয় মাজুলীক লৈয়ো ৷


প্ৰশ্ন হ'ল, প্ৰাক্তন মুখ্যমন্ত্ৰী তথা কেন্দ্ৰীয় কেবিনেট মন্ত্ৰী সৰ্বানন্দ সোণোৱালৰ উত্তৰসূৰী হ'ব কোন? নাম চৰ্চাত ভুবন গাম, হেমচন্দ্ৰ দলেৰ ৷ যুৱ নেতা নৃপেন কামানো প্ৰাৰ্থিত্বপ্ৰত্যাশী ৷ ইতিমধ্যে ভুবন গাম, হেমচন্দ্ৰ দলেৰ নাম শুনা গৈছে বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াৰ মুখত৷ ইফালে হাগ্ৰামা মহিলাৰীৰ বিপিএফ দল যদি পুনৰ বিজেপি মিত্ৰজোঁটত চামিল হয় তেনেহ'লে গোসাঁইগাঁও আৰু তামুলপুৰক লৈ ৰাজনৈতিক টুইষ্ট অহাটো খাটাং ৷


গুৰুত্বপূৰ্ণ কথাটো হ'ল UPPLএ এৰি দিব বিচৰা নাই দুয়োটা সমষ্টি ৷ যি কথা একপ্ৰকাৰ স্পষ্ট কৰিছে BTRৰ মুখ্য কাৰ্যবাহী সদস্য প্ৰমোদ বড়োৰ লগতে আন শীৰ্ষ নেতাই ৷ শেহতীয়াকৈ বিজেপিৰ ৰাজ্যিক কাৰ্যনিৰ্বাহকত উপস্থিত থাকিও বিজেপিৰ অধিক কাষ চপাতো সফল হৈছে প্ৰমোদ বড়ো ৷

Published by: Gautam Barman
First published: September 28, 2021, 4:42 PM IST
আৰু চাওক
পৰৱৰ্তী বাতৰি

শেহতীয়া বাতৰি