মুখ্যপৃষ্ঠা » খবৰ

» অসম

»BTRৰ অংক জংক পংক: হাগ্ৰামা অথবা প্ৰমোদ, দুজনৰ এজন হ'ব BTRৰ মূৰব্বী ! অন্যথা দুয়োজন আহিব দিছপুৰলৈ: হিমন্ত বিশ্ব শৰ্মাৰ নতুন Formula...

BTRৰ অংক জংক পংক: হাগ্ৰামা অথবা প্ৰমোদ, দুজনৰ এজন হ'ব BTRৰ মূৰব্বী ! অন্যথা দুয়োজন আহিব দিছপুৰলৈ: হিমন্ত বিশ্ব শৰ্মাৰ নতুন Formula...

News18 Assam | News18-Assam
Updated:August 23, 2021, 3:35 PM IST
BTRৰ অংক জংক পংক: হাগ্ৰামা অথবা প্ৰমোদ, দুজনৰ এজন হ'ব BTRৰ মূৰব্বী ! অন্যথা দুয়োজন আহিব দিছপুৰলৈ: হিমন্ত বিশ্ব শৰ্মাৰ নতুন Formula...
মুখ্যমন্ত্ৰীৰ প্ৰতিনিধিয়ে BPFৰ মূৰব্বী হাগ্ৰামা মহিলাৰীৰ সৈতে আলোচনা কৰি দিয়া সুত্ৰ মতে হাগ্ৰামা মহিলাৰী আৰু প্ৰমোদ বড়ো দুয়োজনৰ এজন BTRৰ মূৰব্বী পদত থাকি এজন দিছপুৰলৈ আহিব ৷ নহ'লে দুয়োজনেই আহিব দিছপুৰলৈ ৷ তাৰ সলনি BJPৰ এজন বহিব BTRৰ মূৰব্বী পদত ৷

মুখ্যমন্ত্ৰীৰ প্ৰতিনিধিয়ে BPFৰ মূৰব্বী হাগ্ৰামা মহিলাৰীৰ সৈতে আলোচনা কৰি দিয়া সুত্ৰ মতে হাগ্ৰামা মহিলাৰী আৰু প্ৰমোদ বড়ো দুয়োজনৰ এজন BTRৰ মূৰব্বী পদত থাকি এজন দিছপুৰলৈ আহিব ৷ নহ'লে দুয়োজনেই আহিব দিছপুৰলৈ ৷ তাৰ সলনি BJPৰ এজন বহিব BTRৰ মূৰব্বী পদত ৷

  • Share this:
BJPৰে UPPL আৰু BPF মিত্ৰতা ৰক্ষাত নতুন সুত্ৰ উদ্ভাৱন মুখ্যমন্ত্ৰী ড° হিমন্ত বিশ্ব শৰ্মাৰ। উপ নিৰ্বাচনৰ পূৰ্বেই BJP নেতৃত্বাধীন মিত্ৰজোঁটৰ অংশ হ'বলৈ BPFক দুটা সুত্ৰমতে আগবাঢ়িবলৈ পৰামৰ্শ দিছে মুখ্যমন্ত্ৰী ড° হিমন্ত বিশ্ব শৰ্মাই ৷ মুখ্যমন্ত্ৰীৰ প্ৰতিনিধিয়ে BPFৰ মূৰব্বী হাগ্ৰামা মহিলাৰীৰ সৈতে আলোচনা কৰি দিয়া সুত্ৰ মতে হাগ্ৰামা মহিলাৰী আৰু প্ৰমোদ বড়ো দুয়োজনৰ এজন BTRৰ মূৰব্বী পদত থাকি এজন দিছপুৰলৈ আহিব ৷ নহ'লে দুয়োজনেই আহিব দিছপুৰলৈ ৷ তাৰ সলনি BJPৰ এজন বহিব BTRৰ মূৰব্বী পদত ৷

কেনেকৈ BJP নেতৃত্বাধীন মিত্ৰজোঁটৰ অংশীদাৰ হ'ব BPF? মুখ্যমন্ত্ৰী ড° হিমন্ত বিশ্ব শৰ্মাই দুটা সুত্ৰ দিলে হাগ্ৰামা মহিলাৰীক ৷

BTRৰ শাসনত UPPLৰ নেতৃত্বত অধিষ্ঠিত হোৱাৰ পিছৰে পৰা BJPয়ে আঁতৰাই ৰখা হাগ্ৰামা মহিলাৰীৰ BPFএ BJPৰ সৈতে মিত্ৰতা কৰিবলৈ অপ্ৰাণ চেষ্টা অব্যাহত ৰাখিছে ৷ ইতিমধ্যে বহুকেইবাৰ মুখ্যমন্ত্ৰী ড° হিমন্ত বিশ্ব শৰ্মাক গোপনে সাক্ষাতো কৰিছে হাগ্ৰামা মহিলাৰীয়ে ৷ BPFৰ মূৰব্বী হাগ্ৰামা মহিলাৰীৰ সৈতে মুখ্যমন্ত্ৰীৰ দুজনীয়া প্ৰতিনিধিয়ে ইতিমধ্যে পাঁচবাৰতকৈ অধিকবাৰ আলোচনাত মিলিত হৈছে ৷ এই কথা BPFৰ মুখপাত্ৰ তথা বিধায়ক দুৰ্গা দাস বড়োয়ে সোমবাৰে স্বীকাৰ কৰে সাংবাদিকৰ সন্মুখত ৷ মুখ্যমন্ত্ৰী ড° হিমন্ত বিশ্ব শৰ্মা আৰু মুখ্যমন্ত্ৰী ড° শৰ্মাৰ প্ৰতিনিধিৰ সৈতে আলোচনাৰ মজিয়াত হাগ্ৰামা মহিলাৰীক দুটা সুত্ৰ প্ৰদান কৰা হৈছে ৷ BPFৰ এক শীৰ্ষ সুত্ৰই সদৰি কৰা মতে BJPয়ে UPPLৰ লগতে হাগ্ৰামা মহিলাৰীৰ অহৰহ আহ্বানক্ৰমে BPFকো মিত্ৰতাত ৰাখিব বিচাৰিছে ৷ বড়োভূমিৰ দুয়োটা আঞ্চলিক দলক মিত্ৰতাত ৰাখিবলৈ হ'লে ক্ষমতাৰ ভাগ-বতৰাৰ বিষয়টোও আহি পৰিছে ৷

এই সন্দৰ্ভত তিনিওটা দল ক্ৰমে BJP, BPF আৰু UPPLৰ মাজত পৃথকে পৃথকে ইতিমধ্যে আলোচনা হৈছে ৷ ক্ষমতা ভাগ-বতৰা সন্দৰ্ভতে উত্তৰ-পূবৰ ৰাজনৈতিক চাণক্য হিচাপে পৰিচিত মুখ্যমন্ত্ৰী ড° হিমন্ত বিশ্ব শৰ্মাই দুটা সুত্ৰৰ জৰিয়তে ক্ষমতাৰ ভাগ-বতৰা কৰিব বিচাৰিছে ৷ BPFৰ শীৰ্ষ সুত্ৰই সদৰি কৰা মতে সুত্ৰ একৰ জৰিয়তে আসন্ন উপ নিৰ্বাচনত প্ৰমোদ বড়ো আৰু হাগ্ৰামা মহিলাৰীয়ে প্ৰতিদ্বন্দ্বিতা কৰিব ৷ তামোলপুৰৰ পৰা প্ৰতিদ্বন্দ্বিতা কৰিব লাগিব প্ৰমোদ বড়োৱে আৰু গোসাইগাঁৱৰ পৰা প্ৰতিদ্বন্দ্বিতা কৰিব লাগিব হাগ্ৰামা মহিলাৰীয়ে ৷ দুয়োজনক উপ নিৰ্বাচনত জয়ী কৰাই আনি ৰাজ্যিক কেবিনেটত ভৰ্তি কৰোৱাৰ প্ৰথম ফৰ্মুলা দিছে মুখ্যমন্ত্ৰীয়ে ৷ তাৰ বিপৰীতে BJPয়ে BTRৰ মূৰব্বী পদত অধিষ্ঠিত হ'ব ৷ BJPৰ মূৰব্বী হ'লে BPF আৰু UPPLৰ এজনকৈ Deputy CEM থাকিব BTRত ।

এই প্ৰথমটো সুত্ৰ মানি নল'লে দ্বিতীয়টো সুত্ৰ মানিব লাগিব UPPL আৰু BPFয়ে ৷ দ্বিতীয় সুত্ৰ মতে হাগ্ৰামা অথবা প্ৰমোদৰ মাজৰ এজন আহিব ৰাজ্যিক কেবিনেটলৈ ৷ হাগ্ৰামা অথবা প্ৰমোদৰ মাজৰ এজন হ'ব BTRৰ মূৰব্বী ৷ এই সুত্ৰ অনুসৰিয়েই ইতিমধ্যে আলোচনা অব্যাহত ৰাখিছে মুখ্যমন্ত্ৰীৰ প্ৰতিনিধিয়ে ৷ মুঠতে উপ নিৰ্বাচনৰ আগে আগে বড়োভূমিৰ ৰাজনীতিত ব্যাপক পৰিৱৰ্তন হোৱাৰ উমান পোৱা গৈছে  ৷ UPPLৰ লগতে BJPৰ সৈতে মিত্ৰতাৰ অংশীদাৰ হ'ব হাগ্ৰামা মহিলাৰীৰ BPF ৷
Published by: Kokil Sarma
First published: August 23, 2021, 3:35 PM IST
আৰু চাওক
পৰৱৰ্তী বাতৰি

শেহতীয়া বাতৰি