আলফাৰ সেনাধ্যক্ষ পৰেশ বৰুৱাক মূলসুতিলৈ আহিবলৈ আহ্বান বিটিআৰ প্ৰধান প্ৰমোদ বড়োৰ...

আলফাৰ সেনাধ্যক্ষ পৰেশ বৰুৱাক মূল সুতিলৈ আহিবলৈ আহ্বান জনালে ৰঙিয়াত বিটিআৰ প্ৰধান প্ৰমোদ বড়োৱে । ৰাজ্যৰ নতুন মুখ্যমন্ত্ৰীয়ে আলফা সন্দৰ্ভত ইতিবাচক মন্তব্য কৰাৰ পাছতে সমগ্ৰ বিষয়টোৱে চৰ্চা লাভ কৰিছিল ।

অসমত সম্পূৰ্ণৰূপে শান্তি  প্ৰতিষ্ঠাৰ স্বাৰ্থত চৰকাৰৰ আহ্বানৰ প্ৰতি সঁহাৰি জনাই আলফাই দীৰ্ঘদিনীয়া সংগ্ৰামখন শেষ কৰিব লাগে বুলি কয় প্ৰমোদ বড়োয়ে । পৰেশ বৰুৱা শান্তি আলোচনাত ঘূৰি আহিলে আলফাৰ যি সমুহ সমস্যা আৰু সংগ্ৰাম আছে তাৰ ওপৰত মাত মাতিবলৈ প্ৰস্তুত আছে বুলি মন্তব্য কৰে বিটিআৰ প্ৰধান প্ৰমোদ বড়োৱে । আনহাতে বিটিআৰৰ বিৰোধী দল বিপিএফ এ সদনত উপস্থিত নথকা বিষয়টোত প্ৰতিক্ৰিয়া প্ৰকাশ কৰি কয় যে এই সন্দৰ্ভত ৰাজ্যপালক এক অভিযোগ দিয়া হৈছে  । হাগ্ৰামা মহিলাৰী নেতৃত্বাধীন বিপিএফ দলে গণতান্ত্ৰিক ব্যৱস্থাক অসন্মান কৰিছে । সেয়ে বিটিআৰৰ ৰাইজে বুজি পোৱাটো ভাল বুলি মন্তব্য কৰে বিটিআৰ প্ৰধানগৰাকীয়ে ।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।