• Home
  • »
  • News
  • »
  • assam
  • »
  • হাগ্ৰামা মহিলাৰীৰ বিজেপিত যোগদান সন্দৰ্ভত প্ৰতিক্ৰিয়া বিটিচিৰ চীফ প্ৰমোদ বড়োৰ

হাগ্ৰামা মহিলাৰীৰ বিজেপিত যোগদান সন্দৰ্ভত প্ৰতিক্ৰিয়া বিটিচিৰ চীফ প্ৰমোদ বড়োৰ

অসমীয়া জাতিৰ স্বাৰ্থত সকলো লোক একত্ৰ হ'ব লাগে বুলি কয় ৷

অসমীয়া জাতিৰ স্বাৰ্থত সকলো লোক একত্ৰ হ'ব লাগে বুলি কয় ৷

অসমীয়া জাতিৰ স্বাৰ্থত সকলো লোক একত্ৰ হ'ব লাগে বুলি কয় ৷

  • Share this:

 মহাজোঁটৰ পৰা বি পি এফ ওলাই আহি বিজেপিত যোগদানৰ প্ৰস্তাৱ দিয়াৰ পিছত আজি প্ৰথম প্ৰতিক্ৰিয়া ব্যক্ত কৰে বিটিচিৰ চীফ প্ৰমোদ বড়োৱে৷ হাগ্ৰামা মহিলাৰী ক'ত যায়, ক'ত নাযায় সেই কথাটো নাজানো বুলি তাৎপৰ্যপূৰ্ণ মন্তব্য কৰে প্ৰমোদ বড়োৱে ৷ তেওঁ কয় যে হাগ্ৰামা মহিলাৰীয়ে ১৭ বছৰীয়া শাসন কালত ট্ৰাইবেল্ট বেল্ট এণ্ড ব্লকৰ বাহিৰৰ ভূমিপুত্ৰসকলৰ কথা চিন্তা নকৰিলে৷ সেই কথা মই চিন্তা কৰি তেওঁলোকৰ ভূমি নিজৰ নামত কেনেকৈ আনিব পাৰি সেই কথাহে চিন্তা কৰি আছোঁ ৷


বিটিচিৰ চীফ প্ৰমোদ বড়োৱে বি পি এফ আৰু বিজেপিৰ মিত্ৰতা হ'লে ইউ পি পি এলে কি কৰিব সেইটো শীতল মস্তিষ্কৰে দলৰ মজিয়াত আলোচনা কৰি সিদ্ধান্ত ল'ব বুলি জানিবলৈ দিয়ে ৷ সেইদৰে বি পি এফৰ দলীয় মজিয়াত কি হৈ আছে সেইবোৰ জনাৰ কাৰণে প্ৰমোদ বড়ো ইচ্ছুক  নহয় বুলি উল্লেখ কৰি কয় যে বি পি এফ ক'ৰবালৈ গ'লেও ইউ পি পি এলৰ লাভ–লোকচান একো নাই ৷


আনহাতে প্ৰমোদ বড়োৱে পৃথিৱীত অকল ৰাজনীতি কৰিয়ে মানুহে খাই থকা নাই বুলি তাৎপৰ্যপূৰ্ণ মন্তব্য কৰি অসমীয়া জাতিৰ স্বাৰ্থত সকলো লোক একত্ৰ হ'ব লাগে বুলি কয়৷ ইফালে জিএছ পি দলৰ নেতা তথা সাংসদ নৱ কুমাৰ শৰণীয়াই দল সলনি কৰা কথাটোও নাজানো বুলি মন্তব্য কৰি সংবাদ মাধ্যমতহে দেখি থকা বুলি কয় প্ৰমোদ বড়োৱে ৷


ৰাজীৱ গান্ধী ৰাষ্ট্ৰীয় উদ্যানৰ নাম সলনি কৰা সন্দৰ্ভতো প্ৰমোদ বড়োৱে মন্তব্য কৰি কয় যে ৰাজীৱ গান্ধীক আমি সন্মান কৰো ৷ সেইবুলি তেওঁৰ নামটোৱে যে দিব লাগিব, সেইটো নহয় ৷ আমাৰো বহু ব্যক্তি আছে, যাক আমি সন্মান দিব লাগিব ৷ উল্লেখ্য যে ইয়াৰ পূৰ্বে বিটিচিৰ চীফ প্ৰমোদ বড়োৱে বিটিআৰ ৰাজহ চক্ৰ বিষয়াসকলৰ সৈতে এক ভিডিঅ' কনফাৰেন্সত অংশগ্ৰহণ কৰে ৷

Published by:Gautam Barman
First published: