সমনীয়াৰ সৈতে গা ধুবলৈ গৈ ব্ৰহ্মপুত্ৰত সন্ধানহীন শিশু

নেৰা -নেপেৰা বৰুষণৰ ফলত নৈ উপনৈ সমূহ ওফন্দি উঠিছে ৷ ইয়াৰ মাজতে শোণিতপুুৰ জিলাৰ বৰছলাৰ ঠেলামৰা আৰক্ষী থানাৰ অন্তৰ্গত ভৰাশিঙৰীত ব্ৰহ্মপুত্ৰত পৰি এটি শিশু সন্ধানহীন হৈছে ৷ শিশুটিৰ ব্ৰহ্মপুত্ৰৰ পানীত পৰি সলিল সমাধি ঘটাৰ সন্দেহ কৰিছে যদিও এই মুহূৰ্তলৈকে কোনো ধৰনৰ সন্ধান নাই ৮বছৰীয়া আছাদুল ইছলামৰ ৷

জানিব পৰা মতে, ভৰাশিঙৰী গাঁৱৰ ইন্নছ আলীৰ ৮ বছৰীয়া পুত্ৰ আছাদুল ইছলামে সমনীয়াৰ সৈতে গা ধুবলৈ গৈ ব্ৰহ্মপুত্ৰৰ পানীত পৰি সন্ধানহীন হৈ পৰে ৷ ঘটনাৰ খবৰ পোৱাৰ পিছতেই অঞ্চলটোত হাহাকাৰ লাগে ৷ ইয়াৰ পিছতেই ঘটনাস্থলীত SDRFৰ উদ্ধাৰকাৰী দল  আজি উপস্থিত হৈ উদ্ধাৰ অভিযান চলাই  যদিও এই পৰ্যন্ত পোৱা নাই শিশুটিৰ সন্ধান ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।