মুখ্যপৃষ্ঠা » খবৰ

» অসম

»BTADৰ যুগৰ অৱসান, আজিৰে পৰা আৰম্ভ BTRৰ যুগ, জাৰি হ'ল অধিসূচনা, কি ক’লে হাগ্ৰামা মহিলাৰীয়ে

BTADৰ যুগৰ অৱসান, আজিৰে পৰা আৰম্ভ BTRৰ যুগ, জাৰি হ'ল অধিসূচনা, কি ক’লে হাগ্ৰামা মহিলাৰীয়ে

News18 Assam | News18-Assam
Updated:September 28, 2020, 5:09 PM IST
BTADৰ যুগৰ অৱসান, আজিৰে পৰা আৰম্ভ BTRৰ যুগ, জাৰি হ'ল অধিসূচনা, কি ক’লে হাগ্ৰামা মহিলাৰীয়ে
চলিত বৰ্ষৰ ২৭ জানুৱাৰীত নতুন দিল্লীত স্বাক্ষৰিত হৈছিল NDFBৰ চাৰিটা গোট, ABSU আৰু ভাৰত চৰকাৰৰ মাজত চুক্তি ৷ সেয়াই আছিল ‘Bodoland Territorial Region’ চমুকৈ BTR চুক্তি ৷

চলিত বৰ্ষৰ ২৭ জানুৱাৰীত নতুন দিল্লীত স্বাক্ষৰিত হৈছিল NDFBৰ চাৰিটা গোট, ABSU আৰু ভাৰত চৰকাৰৰ মাজত চুক্তি ৷ সেয়াই আছিল ‘Bodoland Territorial Region’ চমুকৈ BTR চুক্তি ৷

  • News18 Assam
  • Last Updated: September 28, 2020, 5:09 PM IST
  • Share this:
চলিত বৰ্ষৰ ২৭ জানুৱাৰীত নতুন দিল্লীত স্বাক্ষৰিত হৈছিল NDFBৰ চাৰিটা গোট, ABSU আৰু ভাৰত চৰকাৰৰ মাজত চুক্তি ৷ সেয়াই আছিল ‘Bodoland Territorial Region’ চমুকৈ BTR চুক্তি ৷ সেই BTR চুক্তি স্বাক্ষৰিত হোৱাৰ আঠ মাহ পিছত সোমবাৰে ৰাজ্য চৰকাৰে জাৰি কৰিলে অধিসূচনা ৷

ভৈয়াম জনজাতি আৰু অন্যান্য পিছপৰা জনজাতি বিভাগৰ আয়ুক্ত সচিবৰহৈ যুটিয়া সচিবে স্বাক্ষৰ কৰা এই অধিসূচনা মৰ্মে আজিৰে পৰা ‘Bodoland Territorial Districts Areas’ অৰ্থাৎ BTADৰ নাম সলনি হয় ৷ BTADৰ সলনি আজিৰে পৰা নাম হ'ল ‘Bodoland Territorial Region’, চমুকৈ BTR ৷

BTADৰ পৰিষদীয় নিৰ্বাচনৰ আচৰণ বিধি চলি থকাৰ মাজতে ৰাজ্য চৰকাৰে ‘BTAD’ৰ নাম সলনি কৰি BTR কৰাত এতিয়া ক্ষুব্ধ বড়োভূমিত ১৭ বছৰে শাসন চলোৱা BPFৰ মূৰব্বী হাগ্ৰামা মহিলাৰী ৷ মহিলাৰীয়ে এই বিষয়ক লৈ আদালতৰ কাষ চপাৰ হুংকাৰ দিছে ৷

ইপিনে ৰাজ্য চৰকাৰে BTR চুক্তি মৰ্মে সোমবাৰে BTADৰ নাম সলনি কৰাৰ বাবে আন এক অধিসূচনাও জাৰি কৰে ৷ ৰাজ্যৰ গৃহ আৰু ৰাজনীতি বিভাগৰ আয়ুক্ত সচিবে স্বাক্ষৰ কৰা অধিসূচনা মৰ্মে গঠন কৰা হ'ল এক আয়োগ ৷

BTRৰ পৰা গাঁও সংযোজন আৰু বিয়োজনৰ সন্দৰ্ভত শুনানি গ্ৰহণ কৰিবলৈ গঠন কৰা এই আয়োগৰ অধ্যক্ষ হিচাপে নিয়োগ কৰা হয় অৱসৰপ্ৰাপ্ত IAS পিপি বাৰ্মাক ৷ সদস্য হিচাপে আয়োগত নিযুক্তি দিয়া হৈছে BTCৰ প্ৰশাসক, ABSUৰ উপ সভাপতি জয়ন্ত বসুমতাৰী আৰু ৰেডকৰ্ছৰ আহ্বায়ক ডালিম বায়নক ৷ লগতে ৰাজ্য চৰকাৰৰ গৃহ আৰু ৰাজনীতি বিভাগৰ যুটীয়া সচিবক আয়োগৰ সচিব হিচাপে নিযুক্তি দিয়া হৈছে ৷ আয়োগে ৰাজ্য চৰকাৰৰ ওচৰত ছমাহৰ ভিতৰত প্ৰতিবেদন দাখিল কৰিব বুলিও এই অধিসূচনাত উল্লেখ কৰা হৈছে ৷
Published by: Himangshu Bhuyan
First published: September 28, 2020, 5:09 PM IST
আৰু চাওক
পৰৱৰ্তী বাতৰি

শেহতীয়া বাতৰি