বিশ্ব হস্তী দিৱসঃ কাজিৰঙাত দৃষ্টিহীন কৃ্ষ্ণাৰ প্ৰত্যাহ্বানৰ মাজেৰে জীৱন

News18 Assam | News18-Assam
Updated:August 12, 2020, 10:50 AM IST
বিশ্ব হস্তী দিৱসঃ কাজিৰঙাত দৃষ্টিহীন কৃ্ষ্ণাৰ প্ৰত্যাহ্বানৰ মাজেৰে জীৱন
বৰ্তমানেও সৱল সুঠাম দেহৰ অধিকাৰী ৪৮ বছৰীয়া কৃষ্ণা ৷ ইয়াৰ মাজতো কৃষ্ণাৰ দৃষ্টিহীনতাই যেন তাইৰ জীৱন কৰিছে দুৰ্বিসহ ৷ কাৰণ মুক্ত বিচৰণত বাধা অহা কৃষ্ণা এতিয়া নিসংগ ৷ 

বৰ্তমানেও সৱল সুঠাম দেহৰ অধিকাৰী ৪৮ বছৰীয়া কৃষ্ণা ৷ ইয়াৰ মাজতো কৃষ্ণাৰ দৃষ্টিহীনতাই যেন তাইৰ জীৱন কৰিছে দুৰ্বিসহ ৷ কাৰণ মুক্ত বিচৰণত বাধা অহা কৃষ্ণা এতিয়া নিসংগ ৷ 

  • Share this:
আজি বিশ্ব হস্তী দিৱস। ইয়াৰ মাজতে প্ৰাসংগিক কাজিৰঙাৰ কৃষ্ণাৰ কাহিনী। বাৰ্ধক্যৰ মাজত অন্ধ গজৰাজে দুৰ্বিসহ জীৱন অতিবাহিত কৰিছে বিশ্ব ঐতিহ্যক্ষেত্ৰ কাজিৰঙাত ৷ সেয়া হৈছে কাজিৰঙা বন বিভাগৰ এজনী হাতী ৷ নাম কৃষ্ণা ৷ ১৯৭২ চনত জন্ম লাভ কৰা কৃষ্ণাক কাজিৰঙা ৰাষ্ট্ৰীয় উদ্যানত নিয়োজিত কৰা হয় ১৯৮২ চনত ৷

বৰ্তমান কাজিৰঙা ৰাষ্ট্ৰীয় উদ্যানৰ দ্বাৰা প্ৰতিপালিত  কৃষ্ণা ৷  দুৰ্ভাগ্য জনক ভাৱে ৪৮ বছৰ  বয়সত ভৰি দিয়া কৃষ্ণাই প্ৰায় ১৫ বছৰ পূৰ্বে হেৰুৱাই পেলাইছে সম্পুৰ্ণ দৃষ্টি শক্তি ৷ সুদীৰ্ঘ প্ৰায়  ৩০ টা বছৰ কাজিৰঙা ৰাষ্ট্ৰীয় উদ্যানৰ নিৰাপত্তাৰ কৰ্ত্তব্যত নিয়োজিত কৃষ্ণা।

বিভাগীয় নিয়ম অনুসৰি  ষাঠি বছৰ বয়সত কৰ্তব্যৰ পৰা অৱসৰ দিয়া হয় যদিও দৃষ্টিহীনতাৰ বাবে আগতীয়াকৈ অৱসৰ দিয়া হল কৃষ্ণাক ৷ অৱশ্যে অৱসৰ দিলেও চিকিৎসা তথা খাদ্য যোগানকে ধৰি যাবতীয় সকলো ব্যৱস্থা অটুত ৰাখিছে বন বিভাগে ৷ প্ৰথমে কাজিৰঙা ৰাষ্ট্ৰীয় উদ্যানৰ কহঁৰা বনাঞ্চলত আৰু পাছলৈ বাগৰি বনাঞ্চলত কৰ্ত্তব্যত নিয়োগ কৰা কৃষ্ণাক বহু চিকিৎসা কৰিও বিফল হল বন বিভাগ ৷

কৃষ্ণাৰ দৃষ্টি শক্তি ঘূৰাই আনিব নোৱাৰিলে কাজিৰঙা বন বিভাগে ৷ আনহাতে, কৃষ্ণা এতিয়া তিনি সন্তানৰ মাতৃ ৷ প্ৰত্যেক মাকৰে সন্তানৰ প্ৰতি যি মৰম থাকে, এই হাতীজনীও ব্যতিক্ৰম নহয় ৷ অন্ধ হলেও  প্ৰতিটো মুহুৰ্ততে তিনি সন্তান বিশ্বজিৎ,ভাদৈ আৰু পৃথ্বীৰাজৰ প্ৰতি থকা দায়িত্ব পালন কৰি আহিছে  কৃষ্ণাই ৷ কৃষ্ণাৰ তিনিওটা সন্তান এতিয়া উদ্যানৰ কৰ্তব্যত নিয়োজিত ৷

বৰ্তমানেও সৱল সুঠাম দেহৰ অধিকাৰী ৪৮ বছৰীয়া কৃষ্ণা ৷ ইয়াৰ মাজতো কৃষ্ণাৰ দৃষ্টিহীনতাই যেন তাইৰ জীৱন কৰিছে দুৰ্বিসহ ৷ কাৰণ মুক্ত বিচৰণত বাধা অহা কৃষ্ণা এতিয়া নিসংগ ৷

Bitupan Borah, Kaziranga
First published: August 12, 2020, 10:50 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading