Hailakandi : ''হৰ ঘৰ তিৰংগা'' অভিযানত হাইলাকান্দিত বিজেপি যুৱ মৰ্চাৰ বাইক ৰেলী

দেশৰ স্বাধীনতাৰ ৭৫ বছৰ সম্পূৰ্ণ হোৱাৰ লগত সংগতি ৰাখি ইতিমধ্যে দেশে পালন কৰি আছে আজাদী কা অমৃত মহোৎসৱ । আনহাতে আজাদী কা অমৃত মহোৎসৱৰ অংশস্বৰূপে দেশত আৰম্ভ হৈছে হৰ ঘৰ তিৰংগা অভিযানৰ ।

ইয়াৰ অংশ হিচাপে বিজেপি যুৱ মৰ্চাই বুধবাৰে হাইলাকান্দি জিলাত এক বাইক ৰেলীৰ আয়োজন কৰে । প্ৰায় তিনি শতাধিক মটৰ চাইকেলত জাতীয় পতাকা লৈ সমগ্ৰ জিলা পৰিক্ৰমা কৰে বিজেপি যুৱ মৰ্চাৰ সদস্যসকলে।

দিনৰ ৯ বজাত হাইলাকান্দি জিলাৰ দক্ষিণ প্ৰান্তত থকা কাটলিছেৰা সমষ্টিৰ মণিপুৰৰ পৰা এই বাইক ৰেলী আৰম্ভ কৰি ৬ নম্বৰ ৰাষ্ট্ৰীয় ঘাইপথেৰে জিলাৰ বিভিন্ন এলেকা হৈ জিলাখনৰ উত্তৰ প্ৰান্তত থকা আলগাপুৰ সমষ্টিৰ ঐতিহাসিক ৰণটিলাত গৈ সমাপ্ত হয় । এই ৰেলীত হাইলাকান্দি যুৱ মৰ্চাৰ প্ৰায় ৫ শতাধিক কৰ্মীয়ে অংশ লয় ।