ৰণজিত দাসৰ ৰিপ’ৰ্ট কাৰ্ডে আউল লগাইছে বিৰোধীৰ অংকতো

News18 Assam | News18-Assam
Updated:August 7, 2020, 8:11 PM IST
ৰণজিত দাসৰ ৰিপ’ৰ্ট কাৰ্ডে আউল লগাইছে বিৰোধীৰ অংকতো
জনজাতীয় আৰু জাতীয় সংগঠনৰ নেতাক বিজেপিলৈ আনি উজনি অসমৰ গৰিষ্ঠসংখ্যক সমষ্টি নিজৰ দখললৈ নিয়াৰ ব্লু প্ৰিণ্ট আৰম্ভ কৰিছে বিজেপিয়ে।

জনজাতীয় আৰু জাতীয় সংগঠনৰ নেতাক বিজেপিলৈ আনি উজনি অসমৰ গৰিষ্ঠসংখ্যক সমষ্টি নিজৰ দখললৈ নিয়াৰ ব্লু প্ৰিণ্ট আৰম্ভ কৰিছে বিজেপিয়ে।

  • Share this:
BJPৰ ৰিপ’ৰ্ট কাৰ্ডে অকল বিজেপি বিধায়ককে শংকিত কৰা নাই৷ শংকাত পৰিছে উজনিৰ একাংশ কংগ্ৰেছী বিধায়কো৷ নামনি অসমত হ'ব পৰা ক্ষতি পূৰণ কৰিব বিজেপিয়ে উজনিত৷ ৰণজিত দাসৰ ৰিপ’ৰ্ট কাৰ্ডে খলকনি তুলিছে বিৰোধী কংগ্ৰেছ শিবিৰত। কাৰণ, ৰিপ’ৰ্ট কাৰ্ডত নিগেটিভ মাৰ্ক অহা ২৭টা সমষ্টিৰ ভিতৰত আছে কংগ্ৰেছৰ হাতত থকা উজনি অসমৰ ৭টা সমষ্টি। কংগ্ৰেছৰ হাতত থকা উজনিৰ ৭টা সমষ্টি দখলৰ ব্লু প্ৰিণ্ট গেৰুৱা দলৰ৷

২০১৯ৰ লোকসভা নিৰ্বাচনত বিজেপিয়ে নাজিৰাত ১৮২১টা ভোটত, ডুমডুমাত ৪০৭৬০টা ভোটত, মৰিয়নীত ১৪২৯১টা ভোটত কংগ্ৰেছক পৰাস্ত কৰাৰ বিপৰীতে গেৰুৱা দলটো শিৱসাগৰত ৬৫৯টা ভোটত, তিতাবৰত ১৩২০৬টা ভোটত আৰু গোলাঘাটত ১১০৪৬টা ভোটত কংগ্ৰেছৰ হাতত পৰাস্ত হৈছিল। কিন্তু সময় বাগৰাৰ লগে লগে কংগ্ৰেছৰ দখলত থকা আটাইবোৰ সমষ্টিতে দলটোৰ খহনীয়া আৰু বিজেপিৰ আভ্যন্তৰীণ সমীক্ষাকে ধৰি আন আন জাতীয় বিষয়বোৰৰ প্ৰভাৱ নথকাত উৎসাহী হৈ পৰিছে বিজেপি।

জনজাতীয় আৰু জাতীয় সংগঠনৰ নেতাক বিজেপিলৈ আনি উজনি অসমৰ গৰিষ্ঠসংখ্যক সমষ্টি নিজৰ দখললৈ নিয়াৰ ব্লু প্ৰিণ্ট আৰম্ভ কৰিছে বিজেপিয়ে। তথ্য অনুসৰি, সকলো ঠিকে ঠাকে থাকিলে কা আন্দোলনৰ আগশাৰীত থকা উজনি অসমৰ দুজন নেতাই বিজেপিত যোগদান কৰাৰ সম্ভাৱনা আছে। কেৱল যোগদানেই নহয়, ইয়াৰে এজনে গেৰুৱা পোছাক পিন্ধি তিনিচুকীয়া জিলাৰ এটা বিশেষ সমষ্টিৰ পৰা নিৰ্বাচনত নামিব।

কেৱল কা বিৰোধী আন্দোলনকাৰীয়েই নহয়, নিৰ্বাচনৰ পূৰ্বে বিজেপিত যোগদান কৰিব পাৰে এগৰাকী কংগ্ৰেছ নেত্ৰীয়ে। অত্যন্ত প্ৰভাৱ থকা কংগ্ৰেছ নেত্ৰীগৰাকীয়ে যদিহে বিজেপিত যোগদান কৰে তেন্তে উজনিত কংগ্ৰেছৰ ৰাজহাড় ভগাতো নিশ্চিত৷ কংগ্ৰেছ আৰু কা বিৰোধী নেতাক দললৈ আনি হ’লেও বিজেপিয়ে উজনি অসমৰ আটাইকেইটা সমষ্টি নিজৰ দখললৈ অনাৰ বাবে উঠি পৰি লগাৰ কাৰণটো হ'ল কংগ্ৰেছ–এ আই ইউ ডি এফৰ সম্ভাব্য মিত্ৰতা৷ যদি কংগ্ৰেছ–AIUDFৰ মিত্ৰতা হয় তেন্তে নামনি আৰু উত্তৰ অসমৰ কেইবাটাও সমষ্টি হেৰুৱাব পাৰে বিজেপিয়ে। নামনি আৰু উত্তৰ অসমত হ’ব পৰা এই ক্ষতি উজনি অসমত পূৰণ কৰাৰ লক্ষ্য বিজেপিৰ।
Published by: Sanjay Kumar Das
First published: August 7, 2020, 8:07 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading