» অসম

উপনিৰ্বাচনৰ পূৰ্বে অখিল গগৈৰ ৰং সলোৱাৰ চেষ্টা বুলি মন্তব্য পৱিত্ৰ মাৰ্ঘেৰিটাৰ

এআইইউডিএফ আৰু ৰাইজৰ দলৰ বিবাদ তুংগত উঠাৰ সময়তে এইবাৰ বিজেপিৰ এগৰাকী নেতায়ো এই সন্দৰ্ভত মুখ খুলিছে। ৰাইজ দল খুলিবলৈ AIUDF ৰ পৰা ধন বিচাৰিছিল বুলি ৰাইজৰ দলৰ নেতা অখিল গগৈক আক্ৰমণ কৰিছিল আমিনুল ইছলামে।  ইছলামৰ মতে, কাৰাগাৰত থকা অৱস্থাত গুৱাহাটী চিকিৎসা মহাবিদ্যালয় হাস্পতালত ধনৰ লেন দেনৰ কথা পাতিছিল অখিল গগৈয়ে ৷

AIUDFৰ বিধায়ক আমিনুল ইছলামৰ মন্তব্যৰ পাছতে প্ৰতিক্ৰিয়া বিজেপিৰ পৱিত্ৰ মাৰ্ঘেটিতাৰ ৷ তেওঁৰ মতে, অখিল গগৈয়ে দিনত নীতি বচন গাই ৰাতি ধন দাবী কৰে । এই ঘটনা অসমৰ ৰাজনীতিৰ বাবে নিন্দনীয় আখ্যা মাৰ্ঘেৰিটাৰ।

ৰাজ্যৰ উপনিৰ্বাচনক লৈ কংগ্ৰেছ আৰু ৰাইজৰ দলে সাময়িকভাৱে AIUDFক আঁতৰাব বিচাৰিছে৷ এয়া মাথোঁ নিৰ্বাচনী কৌশল আখ্যা বিজেপিৰ৷ যিহেতু আগন্তুক ৰাজ্যৰ উপনিৰ্বাচনৰ ৬ সমষ্টিত AIUDFৰ কোনো প্ৰাধান্য নাই৷ সেয়ে AIUDFক আঁতৰ কৰি উপনিৰ্বাচনত জয় হোৱাৰ লক্ষ্য বিজেপিবিৰোধীৰ৷ মাৰ্ঘেৰিটাৰ মন্তব্য– বিৰোধীৰ এনে সপোন সপোন হৈয়ে থাকিব, সেয়া কেতিয়াও বাস্তৱায়িত নহয়।