নিজৰেই সংখ্যালঘু মৰ্চাই ঠগিলে বিজেপিক? কিয় পালে কম ভোট? জবাবদিহি হ'ব বিষয়ববীয়া

বিজেপিৰ আঠটা মৰ্চাৰ ভিতৰত এটা মৰ্চাই ঠগিলে দলটোক ৷  দলটোক ঠগিলে সংখ্যালঘু মৰ্চাই ৷ সংখ্যালঘু মৰ্চাৰ ঠগবাজিকলৈ নেতৃত্বৰ গুৰুত্বপূৰ্ণ সিদ্ধান্ত লৈছে শীৰ্ষনেতৃত্বই ৷

বিজেপিৰ আঁঠটা মৰ্চাৰ ভিতৰত অন্যতম এটা মৰ্চা সংখ্যালঘু মৰ্চা ৷ পিছে এই মৰ্চাটোৱে ২০২১ৰ বিধানসভা নিৰ্বাচনত বিজেপিক কোনো প্ৰকাৰে সহায় নকৰিলে ৷ মৰ্চাৰ নামত ধন ঠিকেই ল'লে যদিও ভোট হে নিদিলে দলীয় প্ৰাৰ্থীক ৷ যাৰ বাবে জয়ী হৈ আহিব বুলি নিশ্চিত থকা বটদ্ৰৱা,মঙলদৈ,পূব বিলাসীপাৰা, সৰভোগ,বৰক্ষেত্ৰী আদি সমষ্টি হেৰুৱাবলগীয়া হ'ল বিজেপিয়ে ৷ যাক এতিয়া সহজ ভাবে লোৱা নাই সভাপতি তথা মন্ত্ৰী ৰণজিত কুমাৰ দাসে ৷

"ইতিমধ্যে আমি ভংগ কৰি দিছো সংখ্যালঘু মৰ্চা ৷ আমি পৰ্যালোচনা কৰি দেখিছিলো যে, কিছুমান বুথত আমি একেবাৰেই ভোট নাপালো ৷ কেৱল সংখ্যালঘু মৰ্চা বুলি নহয়, আমি আন মৰ্চাবোৰৰো পৰ্যালোচনা কৰিছো ৷ যিবোৰ মৰ্চাই ভাল ফলাফল দেখুওৱা নাই তেওঁলোকো জবাবদিহি হ'ব ৷ ইতিমধ্যে ফলাফল দেখুৱাব নোৱাৰা বিষয়বাবীয়ালৈ প্ৰেৰণ কৰা হৈছে জাননী ৷"— ৰণজিত কুমাৰ দাস

ইফালে নিজৰ বিফলতা মূৰ পাতি লৈছে শেহতীয়াকৈ ভংগ কৰি দিয়া সংখ্যালঘু মৰ্চাৰ ৰাজ্যিক সভাপতি মুক্তাৰ হুছেইন খানে। হুছেইনে কয় যে, "মই মূৰ পাতি লৈছো ৷ নেতৃত্বৰ সিদ্ধান্তক আদৰণি জনাইছো ৷ ক'ত কি ভুল হ'ল সেয়া আমি নিজাববীয়াকৈও পৰ্যালোচনা কৰিছো ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।