প্ৰদ্যুৎ বৰদলৈৰ বাবে ‘তুমি মোৰ মাথো মোৰ’ কোন? কাৰ কোলাৰ কেঁচুৱা বৰদলৈ?

মুখ্যমন্ত্ৰীৰ ভ্ৰমণসূচী নিৰ্ধাৰণৰ বাবে ব্যক্তিগত সহায়কাৰী হিচাপে মুখ্যমন্ত্ৰীৰ কাৰ্যালয়ত যোগদানৰ আহ্বান প্ৰদুৎ বৰদলৈক!

News18-Assam
Updated:October 3, 2019, 6:14 PM IST
প্ৰদ্যুৎ বৰদলৈৰ বাবে ‘তুমি মোৰ মাথো মোৰ’ কোন? কাৰ কোলাৰ কেঁচুৱা বৰদলৈ?
Source-Google
News18-Assam
Updated: October 3, 2019, 6:14 PM IST
ৰাজু বৰুৱাঃ আজি অসম সংখ্যালঘু উন্নয়ন বৰ্ডৰ অধ্যক্ষ মমিনুল আৱালে এখন সাংবাদিক মেল সম্বোধন কৰি কয় যে- ‘১৫ বছৰীয়া কয়লাৰ ক’লা সাম্ৰাজ্যৰ সম্ৰাট আছিল প্ৰদ্যুৎ বৰদলৈ। বৰদলৈ ডাঙৰীয়াই কোৱাৰ ধৰণে কয়লা খনিত শ্ৰমিকৰ মৃত্যু হ’লে সাংবাদিকে এক লাখ টকাকৈ লাভ কৰে বুলি যি ব্যক্তব্য ৰাখিছে সেয়া অতি উদ্বেগজনক। সাংবাদিকৰ দৰে পবিত্ৰ বৃত্তিটোক প্ৰদুৎ বৰদলৈয়ে কালিমা সানিছে। বৰদলৈয়ে স্পষ্ট কৰক- কি সূত্ৰৰ পৰা কোন কোন শ্ৰমিকৰ মৃত্যুত কোন সাংবাদিকে কিমান টকা লাভ কৰিছিল। কয়লাৰ কলা সাম্ৰাজ্যৰ সম্ৰাট হিচাপে কোন সাংবাদিকক কিমান টকা দিছিল? কয়লাৰ মোহ এৰিব পৰা নাই বৰদলৈয়ে। তেওঁৰ মন মগজুত এতিয়াও কয়লাৰ কলা সাম্ৰাজ্যৰ স্মৃতিয়ে দোল দি আছে। কয়লা - তুমি মোৰ মাথো মোৰ ।’

মমিনুল আৱাল


বিজেপিৰ মুখপাত্ৰগৰাকীয়ে নগাঁৱৰ সাংসদ  প্ৰদ্যুৎ বৰদলৈক কয়লা সম্ৰাট আখ্যা দিয়া কয় যে, ‘এই কয়লা সম্ৰাট গৰাকীয়ে এ পি এছ চি কেলেংকাৰী, গড় হত্যা আদি বিষয়ত কিন্তু কোনো মাত মতা নাছিল। মাৰ্ঘেৰিটাৰ জনসাধাৰণে মাৰ্ঘেৰিটাৰ পৰা নিৰ্বাসিত কৰাৰ পিছত গড় হত্যাৰ অভিযোগত ৰাজহুৱা অভিযোগেৰে অভিযুক্ত এগৰাকীৰ সহায়ত নগাঁৱত খুপনি পুতি নিজকে প্ৰব্ৰজিত মুছলমানৰ কোলাৰ কেচুৱা বুলি প্ৰতিপন্ন কৰিছে। প্ৰদ্যুৎ বৰদলৈয়ে যিমানেই আস্ফালন নকৰক কিয় মূখ্যমন্ত্ৰীৰ নিকা ভাৱমূৰ্তিত কেতিয়াও চেকা লগাব নোৱাৰে।’ আৱালে আৰু কয় যে, মুখ্যমন্ত্ৰীৰ ভ্ৰমণসূচীলৈ উদ্বিগ্ন হৈ থকা প্ৰদ্যুত্‍ বৰদলৈ মুখ্যমন্ত্ৰীৰ কাৰ্যালয়ত সহায়কাৰী হিচাপে যোগদান কৰাৰ ইচ্ছা থাকিলে  তেওঁক নিযুক্তিৰ ব্যৱস্থা আৱালে কৰি দিব।

আৱালে আৰু কয় যে - ‘বৰদলৈয়ে কোৱাৰ ধৰণে প্ৰতিদিনে শ শ খন এজাহাৰ coal India Limited ৰ তৰফৰপৰা থানাত দিয়া হোৱা নাই। আৱালে উল্লেখ কৰে যে - লেখাপানী থানাত ১৫টা আৰু মাৰ্ঘেৰিটা থানাত ৮৪টা কয়লা সম্পৰ্কীয় গোছৰ পঞ্জীয়ন হৈছে।’
আৰু চাওক পৰৱৰ্তী বাতৰি