உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • কংগ্ৰেছে এসময়ত শ্বিলঙকেই এৰি দিছিল, এতিয়া মাটি এৰাক লৈ সমালোচনা কৰাৰ অধিকাৰ নাইঃ মুখ্যমন্ত্ৰী

    কংগ্ৰেছে এসময়ত শ্বিলঙকেই এৰি দিছিল, এতিয়া মাটি এৰাক লৈ সমালোচনা কৰাৰ অধিকাৰ নাইঃ মুখ্যমন্ত্ৰী

    মুখ্যমন্ত্ৰীয়ে অসাংবিধানভাৱে মাটি এৰি দিছে মেঘালয়কঃ দেৱব্ৰত শইকীয়া

    মুখ্যমন্ত্ৰীয়ে অসাংবিধানভাৱে মাটি এৰি দিছে মেঘালয়কঃ দেৱব্ৰত শইকীয়া

    মুখ্যমন্ত্ৰীয়ে অসাংবিধানভাৱে মাটি এৰি দিছে মেঘালয়কঃ দেৱব্ৰত শইকীয়া

    • Share this:
    চুবুৰীয়া মেঘালয়ক আলোচনাৰ ভিত্তিত কিছু মাটি এৰি দিবলৈ আগবঢ়াক লৈ মুখ্যমন্ত্ৰী ড° হিমন্ত বিশ্ব শৰ্মা আৰু বিৰোধী কংগ্ৰেছৰ মাজত তুংগত উঠিছে বাকযুদ্ধ ৷ মুখ্যমন্ত্ৰী ড° শৰ্মাই (CM Himanta Biswa Sarma) কংগ্ৰেছে ৰাজধানী শ্বিলঙেই এৰি দি দিছপুৰলৈ আহিছিল বুলি দেওবাৰে অভিযোগ কৰাৰ পিছত বিৰোধী দলপতি দেৱব্ৰত শইকীয়াই (Debabrata Saikia) উভতি ধৰিছে মুখ্যমন্ত্ৰীক ৷

    মুঠ বাৰটা বিবদমান অঞ্চলৰ ভিতৰত ছয়টাৰ সীমা বিবাদ নিষ্পত্তিৰ বাবে ইতিমধ্যে অসম আৰু মেঘালয় চৰকাৰে চূড়ান্ত প্ৰতিবেদন দাখিল কৰিছে কেন্দ্ৰীয় গৃহমন্ত্ৰী অমিত শ্বাহৰ হাতত ৷ ইয়াৰ পূৰ্বে উভয় ৰাজ্যৰ মুখ্যমন্ত্ৰীয়ে সৰ্বদলীয় বৈঠকত মিলিত হৈছিল ৷ কিন্তু মেঘালয়ক অসমৰ কিছু ভূমি এৰি দিবলৈ মুখ্যমন্ত্ৰী ড° হিমন্ত বিশ্ব শৰ্মাই লোৱা সিদ্ধান্তক মানি ল'ব বিচৰা নাই বিৰোধী কংগ্ৰেছে (hand over land to neighbouring Meghalaya) ৷ কংগ্ৰেছৰ দাবী বিধানসভাৰ মজিয়াত এই সন্দৰ্ভত মুখ্যমন্ত্ৰীয়ে আলোচনা কৰক ।

    বিৰোধী কংগ্ৰেছৰ এই দাবী প্ৰসংগত দেওবাৰে মুখ্যমন্ত্ৰী ড° শৰ্মাই কংগ্ৰেছৰ বিৰুদ্ধে আনিলে গুৰুতৰ অভিযোগ ৷ মুখ্যমন্ত্ৰীৰ দাবী- “কংগ্ৰেছে এসময়ত ৰাজধানী শ্বিলঙেই এৰি দিছিল ৷ ৰাজধানী এৰি দিছপুৰলৈ আহিছিল কংগ্ৰেছ ৷ মেঘালয়, নাগালেণ্ড আদিক এৰি দিছিল কংগ্ৰেছে ৷”

    উত্তৰ-পূবক কংগ্ৰেছে সদায় দুৰ্বল কৰি ৰাখিবলৈ চেষ্টা কৰি আহিছে ৷ এই দাবী তুলি মুখ্যমন্ত্ৰীয়ে ক'লে- “আগতেই যদি চুবুৰীয়া ৰাজ্যৰে সীমা নিৰ্ধাৰণ কৰিলেহেঁতেন কংগ্ৰেছে, তেন্তে আজি চুবুৰীয়া ৰাজ্যৰে সংঘাতেই নহ'লহেঁতেন ৷ এতিয়া সেই কংগ্ৰেছে আমাক সমালোচনা কৰাৰ নৈতিক অধিকাৰ নাই ৷”

    মুখ্যমন্ত্ৰীৰ এই দাবীক সোমবাৰে খণ্ডন কৰি বিৰোধী দলপতি দেৱব্ৰত শইকীয়াই ক'লে- “সাংবিধানিকভাৱে চুবুৰীয়া ৰাজ্যসমূহ গঠন হৈছিল ৷ এতিয়া মুখ্যমন্ত্ৰীয়ে অসাংবিধানিকভাৱে মাটি এৰি দিব ওলাইছে ৷”

    উল্লেখযোগ্য যে চুবুৰীয়া মেঘালয়, নাগালেণ্ড, অৰুণাচল আৰু মিজোৰামৰ সৈতে চলি থকা অসমৰ দশক দশক পুৰণি সীমা বিবাদ নিষ্পত্তিৰ বাবে বিশেষ উদ্যোগ গ্ৰহণ কৰিছে মুখ্যমন্ত্ৰী ড° হিমন্ত বিশ্ব শৰ্মাই ৷ এইক্ষেত্ৰত চুবুৰীয়া ৰাজ্যসমূহেও সহযোগ আগবঢ়াইছে ৷
    Published by:Gautam Barman
    First published: