NAGAON : নগাঁৱত বহিৰাগত কোম্পানীৰ ঊৰ্ধ্বতন বিষয়াক শাস্তি বিহিলে বীৰ লাচিত সেনাই

নগাঁৱত বহিৰাগত কোম্পানীৰ ঊৰ্ধ্বতন বিষয়াক শাস্তি বিহিলে বীৰ লাচিত সেনাই। অভিযোগ মতে, এটা কনষ্ট্ৰাকচন কাৰ্যালয়ত এডমিন এছিছটেণ্ট ৰূপে কৰ্মৰত অসমীয়া যুৱতীক নিৰ্যাতন চলাইছিল আল্লাদীপ ইৰা ভেংকটেশ্বৰ নামৰ এজন বিষয়াই।

যুৱতীগৰাকীয়ে উল্লেখ কৰা মতে, কৰ্তৃপক্ষৰ নিৰ্দেশ অনুসৰি কাৰ্যালয়লৈ দেৰিকৈ অহা ভেংকটেশ্বৰ নামৰ কৰ্মচাৰীজনক অনুপস্থিত বুলি লিপিবদ্ধ কৰাৰ বাবে তেওঁ যুৱতীগৰাকীক শাৰীৰিকভাৱে প্ৰহাৰ কৰে। এই বিষয়ে কৰ্তৃপক্ষক জনাই যদিও কৰ্তৃপক্ষই দুই কৰ্মচাৰীকে বুজাবুজি কৰিবলৈ কয়। কিন্তু আত্মসন্মানত আঘাত লগা যুৱতীগৰাকীয়ে বীৰ লাচিত সেনাক ঘটনাৰ বিষয়ে কয়। সেই মতে লাচিত সেনা নগাঁৱৰ BMK নামৰ কোম্পানীটোৰ কাৰ্যালয়ত উপস্থিত হয় আৰু ভেংকটেশ্বৰক আঁঠু কঢ়াই শাস্তি প্ৰদান কৰে বীৰ লাচিত সেনাই।

প্ৰতিষ্ঠানটোৰ গাণনিক বিষয়া ৰূপে কৰ্মৰত হৈ আছিল ভেংকটেশ্বৰ। সংগঠনটোৰ অভিযোগৰ ভিত্তিত সম্প্ৰতি বদলি কৰা হৈছে ভেংকটেশ্বৰক।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|