গৌৰৱোজ্জ্বল ৫১ বছৰ গৰকা এটা বিহুৱা দলে সোণালী জয়ন্তী বৰ্ষ পাতিব নোৱাৰি বাৰী চুকতে মাৰিলে বিহু

News18 Assam | News18-Assam
Updated:April 18, 2020, 12:46 AM IST
গৌৰৱোজ্জ্বল ৫১ বছৰ গৰকা এটা বিহুৱা দলে সোণালী জয়ন্তী বৰ্ষ পাতিব নোৱাৰি বাৰী চুকতে মাৰিলে বিহু
অশান্ত হৈ থকা মনটো শান্ত কৰিবলৈকে ৰাইজৰ অতি মৰমৰ ৰূপজ্যোতি বিহুৱা দলৰ গুৰি ধৰোতা হিৰেন নাথৰ ঘৰৰ বাৰী চুকতেই এপাক বিহু নাচিলে বিহুৱা–বিহুৱতীয়ে৷

অশান্ত হৈ থকা মনটো শান্ত কৰিবলৈকে ৰাইজৰ অতি মৰমৰ ৰূপজ্যোতি বিহুৱা দলৰ গুৰি ধৰোতা হিৰেন নাথৰ ঘৰৰ বাৰী চুকতেই এপাক বিহু নাচিলে বিহুৱা–বিহুৱতীয়ে৷

  • Share this:
নিৰৱচ্ছিন্নভাৱে ৫১ বছৰে বিহু গাই সোণালী জয়ন্তী বৰ্ষ গৰকা ঢেকীয়াজুলিৰ ৰূপজ্যোতি বিহুৱা দলৰ বিহু গোৱা নহ’ল এইবেলি৷ সেয়ে জনপ্ৰিয় বিহু দলটিৰ কেইগৰাকীমান বিহুৱা -বিহুৱতীয়ে ঘৰৰ বাৰী চুকতে বিহু নাচি হিয়া–মন পেলালে জুৰ৷ সংস্কৃতিৰ পথাৰখনত সুদীৰ্ঘ ৫১ বছৰে জীপাল কৰা ৰূপজ্যোতি বিহুৱা দলটোৱে এইবেলি বিহুত সোনালী জয়ন্তী বৰ্ষ উদযাপন কৰাৰ কথা আছিল যদিও লকডাউনৰ বাবেই সোণালী জয়ন্তী বৰ্ষ পালন কৰিব নোৱাৰিলে৷

অসমত বহু বিহুৱা দল জন্ম হ'ল৷ বহু বিহুৱা দল ভাঙিও থাকিল৷ কিন্তু বিগত ৫০ বছৰে নিৰৱচ্চিন্নভাৱে বিহু বাকৰিত বিহু নাচি, ভাৰতৰ বিভিন্ন প্ৰান্তত বিহু প্ৰদৰ্শন কৰি অসমৰ নাম উজ্জ্বল কৰা তথা সোণালী জয়ন্তী বৰ্ষ গৰকা একমাত্ৰ বিহুৱাদল, ঢেকীয়াজুলিৰ ৰূপজ্যোতি বিহুৱা দলৰ এইবেলি বিহু মৰা ন'হল লকডাউনৰ বাবে। বিহু বাকৰিত বিহু নাচিবলৈ অসমৰ বচা বচা বিহুৱা বিহুৱতী আখৰাৰ বাবে আহি ঢেকীয়াজুলিতে আবদ্ধ হৈ পৰিল লকডাউনৰ ঘোষণাৰ লগে লগে৷ সেয়ে বিহু নাচিবলৈ নাপায় অশান্ত হৈ থকা মনটো শান্ত কৰিবলৈকে ৰাইজৰ অতি মৰমৰ ৰূপজ্যোতি বিহুৱা দলৰ গুৰি ধৰোতা হিৰেন নাথৰ ঘৰৰ বাৰী চুকতেই এপাক বিহু নাচিলে বিহুৱা–বিহুৱতীয়ে৷

সামাজিক ব্যৱধান ৰাখি বিহু নচা এইসকল বিহুবলীয়া অসমীয়াৰ বিহু নাচ এইবেলি ৰাইজে বিহু বাকৰিত চাবলৈ নাপালেওঁ কিন্তু গৃহবন্দী হৈ থকা প্ৰতিজন অসমীয়াৰ গৃহতে অনুষ্টুপীয়াকৈ পালন কৰিলে ৰঙালি বিহু৷ কাৰণ কৰোণা ভাইৰাছৰ আতংকতকৈয়ো পূৰ্বৰ দৰে বিহু উদযাপন কৰিব নোৱাৰাৰ বেদনা, বিহুৱা দলৰ বিহু উপভোগ কৰিব নোৱাৰাৰ বেদনা অসম-অসমবাসীৰ বাবে অতি কষ্টকৰ৷

এই সন্দৰ্ভত দলটোক নেতৃত্ব দি অহা ঢেকীয়াজুলিৰ নিবাসী হিৰেন নাথে কয় - ’লকডাউনৰ বাবে ঘৰতে আছো৷ বিহু বুলি ৰৈ থাকিব নোৱাৰি সামাজিক ব্যৱধান ৰক্ষা কৰি আজি আমি ঘৰৰ বাৰী চুকতে বিহু মাৰিলো৷’

‘সাংস্কৃতিক পথাৰখনত ৰূপজ্যোতি বিহুৱা দলে গৌৰৱোজ্জ্বল ৫১টা বছৰ গৰকিলে৷ আমাৰ দুখ–বেদনা থাকি গ’ল সোণালী জয়ন্তী বৰ্ষ আমি পালন কৰিব নোৱাৰিলো৷ চৰকাৰৰ নীতি–নিৰ্দেশনা মানি এতিয়া আমি ঘৰতে আছো আৰু কোৰোণাৰ যুদ্ধত নমা প্ৰতিজন সেনানীলৈ আমি যাচিলো শ্ৰদ্ধা’ – ক’লে বিহুৱা দলটোৰ দলপতি হিৰেন নাথে৷
Published by: Sanjay Kumar Das
First published: April 17, 2020, 8:24 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading