পৰিভ্ৰমী পক্ষীৰ কলৰৱত সাৰ পাই উঠা এখন সপোনপুৰী, অসমৰ এইখন ঠাইলৈ আহিছেনে?

News18 Assam | News18-Assam
Updated:March 18, 2020, 12:07 PM IST
পৰিভ্ৰমী পক্ষীৰ কলৰৱত সাৰ পাই উঠা এখন সপোনপুৰী, অসমৰ এইখন ঠাইলৈ আহিছেনে?
ৰূপহী অসমৰ অচিনা ৰূপ।

ৰূপহী অসমৰ অচিনা ৰূপ।

  • Share this:
বঙাইগাওঁ জিলাৰ অভয়াপুৰীত আছে এক সপোনপুৰী ৷ প্ৰকৃতিৰ অন্যতম বৰদান হৈ সকলোকে মনোমুগ্ধ কৰে সপোনপুৰী কয়াঁ-কুজীয়াই ৷ সেউজীয়াৰ মাজে মাজে নীলা পানীৰ এক অপূৰ্ব সমাহাৰ ৷ হাজাৰ-বিজাৰ পক্ষীৰ কলৰৱৰ মাজত অনুপম হৈ ধৰা দিয়ে কয়াঁ-কুজীয়াই ৷ বিলৰ মাজে মাজে আছে বহুকেটা দ্বীপ সদৃশ টিলা ৷ ২০০৬ চনলৈকে কয়াঁ-কুজীয়া আছিল মাথো পিটনি ৷ কোনেও সেই সময়লৈকে ভবা নাছিল পৰ্যটনৰ সম্ভাৱনা আছে অচিন কয়াঁ-কুজীয়াত ৷

বৰ্তমানৰ NRCৰ ৰাজ্যিক সমন্বয়ক হিতেশ দেব শৰ্মা সেই সময়ত আছিল অভয়াপুৰীৰ মহকুমাধিপতি ৷ হিতেশ দেব শৰ্মাৰ প্ৰচেষ্টাতে জবকাৰ্ডৰ যোগেদি স্থানীয় লোকে গঢ় দিলে আজিৰ কয়াঁ-কুজীয়া ৷ 

"পিটনিবোৰ কৰটেৰে কাটিব লগীয়া হৈছিল ৷ এই অঞ্চলৰ মানুহখিনিক জবকাৰ্ডৰ যোগেদি পিটনি চাফা কৰাৰ কামত লগাইছিলো ৷ মানুহখিনিয়ে দুটা টকা পোৱাৰ লগতে এই অপৰূপ কয়াঁ-কুজীয়া লাভ কৰিলে অভয়াপুৰী বাসীয়ে ৷

পূৰ্ণিমাৰ নিশা এই কয়াঁ-কুজীয়াত নৌকা বিহাৰৰ আমেজেই সুকীয়া" News18ৰে হোৱা এক সাক্ষাৎকাৰত এইদৰে মনৰ কথা ক'লে NRCৰ ৰাজ্যিক সমন্বয়ক গৰাকীয়ে ৷ সঁচাকৈয়ে পুৰ্ণিমাৰ নিশাবোৰ অধিক মনোৰম হৈ পৰে কয়াঁ-কুজীয়া ৷

নৌকা বিহাৰৰে প্ৰতিগৰাকী পৰ্যটকে কয়াঁ-কুজীয়াত ল'ব পাৰে অনাবিল আনন্দ ৷ এক বৃহত্তৰ অঞ্চল সামৰি সকলোকে হাত বাউলী মতা কয়াঁ-কুজীয়াৰ পৰ্যটনৰ সম্ভাৱনা যেন আজিও বুজি উঠা নাই ৰাজ্যৰ পৰ্যটন বিভাগটোৱে ৷ উদাসীন বিভাগটোৱে পদক্ষেপ ল'লে কয়াঁ-কুজীয়া হৈ পৰিব পাৰে ৰাজ্যৰ অন্যতম পৰ্যটন ক্ষেত্ৰ ৷ NRCৰ ৰাজ্যিক সমন্বয়ক হিতেশ দেব শৰ্মাইও মনে প্ৰাণে বিচাৰে সপোনপুৰী অভয়াপুৰীৰ এই কয়াঁ-কুজীয়া হওক ৰাজ্যৰ অন্যতম পৰ্যটন ক্ষেত্ৰ ৷
Published by: Tulika Devi
First published: March 18, 2020, 12:02 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading