Barpeta Road : বৰপেটাৰোড বন সংমণ্ডলে যোৱা বিত্তীয় বৰ্ষত সংগ্ৰহ কৰিলে ২০ কোটি ৰাজহ

ৰাজহ সংগ্ৰহেৰে অভিলেখ বৰপেটাৰোড বন সংমণ্ডলৰ বিষয়া প্ৰশান্ত গগৈৰ। যোৱা বিত্তীয় বৰ্ষত সংগ্ৰহ কৰিলে ২০ কোটি ৰাজহ। উত্তৰ কামৰূপ ডিভিজনৰ অন্যতম বন কাৰ্যালয় হৈছে বৰপেটাৰোড।

এই কাৰ্যালয়টোৰ অন্তৰ্গত হৈ আছে ৬টা বীট। এই বছৰ অভিলেখসংখ্যক ৰাজহ সংগ্রহ কৰি চৰ্চিত হৈছে বৰপেটাৰোড বন সংমণ্ডল কাৰ্যালয়। উল্লেখ্য যে প্রায় ২০ কোটি টকা সংগ্ৰহ কৰিছে আঞ্চলিক বন বিষয়া প্ৰশান্ত গগৈৰ নেতৃত্বত কৰ্মচাৰীসকলে। যোৱা বছৰতকৈ প্রায় ১৪ কোটি টকা বেছি ৰাজহ সংগ্রহ কৰি উৎফুল্লিত হৈ পৰিছে বন বিষয়াগৰাকী।

তদুপৰি গগৈৰ নেতৃত্বত বন বিষয়াৰ আবাস আৰু বেটেলিয়ন আবাস নিৰ্মাণৰ কামো আৰম্ভ হৈছে। অত্যন্ত ব্যস্ত আঞ্চলিক বন বিষয়াৰ এই কাৰ্যালয়টোত আবাসগৃহৰ অভাৱ দীর্ঘদিনীয়া আছিল।