প্ৰেমৰ বাবেই বিহপান কিশোৰ–কিশোৰীৰ! কিয় বাচি ল’লে জীৱনৰ চৰম পথ?

News18-Assam
Updated:June 28, 2019, 8:21 PM IST
প্ৰেমৰ বাবেই বিহপান কিশোৰ–কিশোৰীৰ! কিয় বাচি ল’লে জীৱনৰ চৰম পথ?
কাজিয়ামাটি গাৱৰ ঈদগাহ ময়দানত বিদ্যালয়ৰ গণবেশ পৰিধান কৰি অচেতন অৱস্থাত পৰি আছিল কিশোৰ–কিশোৰী

কাজিয়ামাটি গাৱৰ ঈদগাহ ময়দানত বিদ্যালয়ৰ গণবেশ পৰিধান কৰি অচেতন অৱস্থাত পৰি আছিল কিশোৰ–কিশোৰী

  • Share this:
প্ৰেমৰ এক ভয়ংকৰ পৰিণতি! প্ৰেম জনিত সমস্যাৰ বাবেই একেলগে বিহপান কৰে এহাল কিশোৰ কিশোৰীয়ে! শুকুৰবাৰে বাক্সা জিলাৰ কাজিয়ামাটিত সংঘটিত হৈছে এই শোকাৱহ ঘটনা ৷ দুই কিশোৰ–কিশোৰীয়ে বিহপান কৰি কাজিয়ামাটি গাৱৰ ঈদগাহ ময়দানত বিদ্যালয়ৰ ইউনিফৰ্ম  পৰিধান কৰি অচেতন অৱস্থাত পৰি আছিল। পিছত পৰিয়ালৰ লোকে স্থানীয় ৰাইজৰ তৎপৰতাত চিকিৎসালয়লৈ দুয়োকে নিয়া হৈছিল যদিও চিকিৎসালয় পোৱাৰ আগতে কিশোৰীগৰাকীয়ে কৰুণ মৃত্যুক সাৱটি লোৱাৰ লগতে এতিয়াও জীৱন মৃত্যুৰে যুঁজিছে কিশোৰজনে।

দুয়ো বিহপান কৰি ঈদগাহ ময়দানত চটফটাই পৰি থকা প্ৰত্যক্ষ কৰে গাঁওৰ একাংশ লোকে ৷ ইতিমধ্যে পৰিচয় উদ্ধাৰ কৰা হৈছে দুয়োগৰাকী কিশোৰ কিশোৰীৰ ৷ বাক্সাৰ কাজিয়ামাটিৰ দুই কিশোৰ–কিশোৰীৰ নাম ক্ৰমে আব্দুল আলি (১৬) আৰু মামনি খাতুন (১৬ বছৰ)।দুয়ো অঞ্চলটোৰ চুক্ৰংবাৰী হাই স্কুলত  দশম শ্ৰেণীত অধ্যয়ন কৰি আছিল ৷ পৰিয়ালৰ লোকৰ সন্দেহ প্ৰেমৰ বাবেই বিষপান কৰে দুই কিশোৰ–কিশোৰীয়ে।ইফালে আব্দুল আলী নামৰ কিশোৰজনক এতিয়া সংকটজনক অৱস্থাত ভৰ্তি কৰা হৈছে বৰপেটা চিকিৎসা মহাবিদ্যালয়ত ৷ এই ঘটনাক লৈ এতিয়া অঞ্চলটোত গভীৰ শোকৰ ছাঁ পৰিছে ৷
First published: June 28, 2019, 7:32 PM IST
আৰু চাওক
পৰৱৰ্তী বাতৰি

শেহতীয়া বাতৰি