বিতৰ্কৰ পিছতো ইখনৰ পিছত সিখন পূজা, সভা মহোৎসৱত কৰিশ্মা নাথৰ নাগাৰা নাম অব্যাহত ...

বিতৰ্কৰ পিছতো ইখনৰ পিছত সিখন পূজা সভা মহোৎসৱত কৰিশ্মা নাথৰ নাগাৰা নাম অব্যাহত । নলবাৰীৰ বৰকুৰিহা গংগাপুখুৰী বাসন্তী পূজাত কৰিশ্মা নাথৰ অনুষ্ঠানত সহাস্ৰাধিক লোকৰ সমাগম । পে পে নাগাৰা নাম চাবলৈ ওলাই আহিল সকলো ।

বিতৰ্ক আৰু কৰিশ্মা নাথ যেন এটা মুদ্ৰাৰ ইপিঠি সিপিঠি । নিজৰ অংগী ভংগীমাৰে  নাগাৰা নাম প্ৰসংগ কৰি জনপ্ৰিয় হৈ পৰিছে কৰিশ্মা নাথ । নিতৌ ইজনৰ পিছত সিজন নাগাৰা শিল্পীৰ সমালোচনাৰ সন্মুখীন হোৱা কৰিশ্মাই নিজৰ কৰ্মত যেন থমকি ৰোৱা নাই । বিতৰ্কই আৰু অধিক জনপ্ৰিয় কৰি তোলা কৰিশ্মা নাথৰ নাগাৰা নাম মানেই এতিয়া জনসমুদ্ৰ । য'তেই কৰিশ্মাৰ অনুষ্ঠান হয় তাতেই ৰাইজৰ সোত বোৱা পৰিলক্ষিত হয় ।নিশা নলবাৰীৰ বৰকুৰিহা গংগাপুখুৰী বাসন্তী পূজাত কৰিশ্মা নাথৰ নাগাৰা নাম চাবলৈ আহিল হাজাৰ হাজাৰ দৰ্শক ভক্তপ্ৰান ৰাইজ । কৰিশ্মা নাথৰ বেণ্ড পাৰ্টীৰ পে পে পে ৰে নাগাৰা নামে আমোদ দিলে সহাস্ৰাধিক লোকক । কৰিশ্মা নাথৰ নাগাৰা নামত দেহৰ অংগীমা ভংগীমাত দৰ্শকৰ বিপুল উচাহ পৰিলক্ষিত হয় ।     বিতৰ্কই অধিক জনপ্ৰিয় কৰা কৰিশ্মা নাথৰ নাগাৰা নাম ওচৰৰ পৰা চাবলৈ ৰাইজৰ সহাৰিয়ে প্ৰমাণ কৰে যে বিতৰ্কক আওকাণ কৰি কৰিশ্মাই চলাই গৈছে নিজৰ কৰ্ম । উল্লেখযোগ্য যে যুৱ শিল্পী গৰাকীৰ নাম ছ'চিয়েল মিডিয়াত ভাইৰেল হৈ পৰাত সদৌ অসম নাগাৰা নাম সংঘকে আদি কৰি বিভিন্ন নাগাৰা সমাজৰ লগত জড়িত লোকৰ সমালোচনাৰ সন্মুখীন হৈছিল কৰিশ্মা নাথ । নাগাৰা নাম সংঘই আনকি একাষৰীয়া ঘোষণা কৰিছিল এইগৰাকী শিল্পীক । নাগাৰা শিল্পী সকলক তীক্ষ্ণ বাক্যৰে ঠাট্টা কৰাৰো অভিযোগ আহিছিল কৰিশ্মা নাথৰ বিৰুদ্ধে । ইয়াৰ পিছতো যেন থমকি ৰোৱা নাই কৰিশ্মাই । কৰিশ্মা নাথৰ নিজৰ স্থিতিত অটল থাকি ইখনৰ পিছত সিখন কাৰ্যসূচীত চলাই গৈছে নিজৰ নাগাৰা নাম পৰিৱেশন ।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।