உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • অসমৰ চাহ বাগিছাৰ শ্ৰমিকৰ বাবে 20 শতাংশ বোনাচঃ পূজাৰ আগতে নগদ বোনাচ দিয়াৰ দাবী চাহ মজদুৰ সংঘৰ

    অসমৰ চাহ বাগিছাৰ শ্ৰমিকৰ বাবে 20 শতাংশ বোনাচঃ পূজাৰ আগতে নগদ বোনাচ দিয়াৰ দাবী চাহ মজদুৰ সংঘৰ

    মহামাৰী সংকটৰ সময়ত চাহ বাগানৰ উৎপাদন ২৫-৩০ শতাংশ হ্ৰাস পাইছে৷ চাহ বাগান সমূহত বৰ্তমান ২০ শতাংশও বোনাচ দিয়াৰ অৱস্থাত নাই ৷ 

    মহামাৰী সংকটৰ সময়ত চাহ বাগানৰ উৎপাদন ২৫-৩০ শতাংশ হ্ৰাস পাইছে৷ চাহ বাগান সমূহত বৰ্তমান ২০ শতাংশও বোনাচ দিয়াৰ অৱস্থাত নাই ৷ 

    মহামাৰী সংকটৰ সময়ত চাহ বাগানৰ উৎপাদন ২৫-৩০ শতাংশ হ্ৰাস পাইছে৷ চাহ বাগান সমূহত বৰ্তমান ২০ শতাংশও বোনাচ দিয়াৰ অৱস্থাত নাই ৷ 

    • Share this:
    দূৰ্গা পূজাৰ মানেই অসমৰ চাহ বাগান সমূহত বোনাচৰ সময় ৷ চাহ বাগিছাৰ শ্ৰমিক সকলে সাধাৰণতে গোটেই বছৰ কৰা কষ্টৰ বিনিময়ত দূৰ্গা পূজাৰ সময়ত ২০ শতাংশতকৈ তলত  বোনাচ মানি নলয় ৷ ৰাজ্যৰ বৃহত্তম চাহ বাগিছাৰ শ্ৰমিক সকলৰ সংগঠন,অসম চাহ মজদুৰ সংঘই এইবাৰ দূৰ্গা পূজাত সৰ্বোচ্চ ২০ শতাংশ বোনাচ দিয়াৰ দাবী জনাইছে বাগিছা কৰ্তৃপক্ষসমূহক ৷

    ‘আমি চাহ উদ্যোগ সমূহক দুৰ্গা পূজাৰ তিনি সপ্তাহৰ আগতেই ২০ শতাংশ বোনাচ দিবলৈ কৈছো ৷ তেওঁলোকে এবাৰতে সকলো ধন প্ৰদান কৰিব লাগিব তাকো নগদ দিব লাগিব ৷ আমি বিচৰা নাই যে, বোনাচ শ্ৰমিকসকলৰ বেংক একাউণ্টত জমা হোৱাটো, কাৰণ বহু সংখ্যক শ্ৰমিকৰে বেংক একাউণ্ট নাই।’ এইদৰে কয় অসম চাহ মজদুৰ সংঘৰ সাধাৰণ সম্পাদক ৰূপেশ গোৱলাই ৷

    অসম চাহ মজদুৰ সংঘই, ভাৰতীয় টি এচ'ছিয়েছন অসম শাখা, অসম টি প্লেণ্টাৰ্ছ কমিটী, নৰ্থ ইষ্টাৰ্ণ টি এচ'ছিয়েছন, ভাৰতীয় চাহ পৰিষদ আৰু টি এচ'ছিয়েছন ইণ্ডিয়ালৈ এই সম্পৰ্কত এখন পত্ৰ লিখিছে ৷

    ‘Payment of Bonus Act, 1965’ অনুসৰি উদ্যোগৰ সৰ্বনিম্ন ৮.৩৩ শতাংশ আৰু সৰ্বোচ্চ ২০ শতাংশ বোনাচ প্ৰদান কৰিব লাগে ৷ সকলো অস্থায়ী আৰু স্থায়ী শ্ৰমিক, যিসকলে কমেও ৩০ দিনৰ বাবে কাম কৰিছে তেওঁলোক বোনাচৰ বাবে যোগ্য বিবেচিত হয় ৷

    অসমৰ চাহ উদ্যোগ সমূহ ল’ক ডাউনৰ প্ৰথমটো পৰ্যায়ত চিজনৰ প্ৰথমখিনি সময় ক্ষতিগ্ৰস্ত হৈছিল যাৰ ফলত চাহ উদ্যোগৰ উৎপাদন ২৫-৩০ শতাংশ হ্ৰাস পায় ৷ পৰৱৰ্তী সময়ত দ্বিতীয়টো চিজনৰ সময়ত প্ৰচুৰ বৃষ্টিপাত আৰু বানপানীৰ ফলত যথেষ্ট হ্ৰাস পায় চাহৰ উৎপাদন ৷

    কোৰোণা মহামাৰীৰৰ ফলত চাহ বাগিছা সমূহৰ উৎপাদন ২৫-৩০ শতাংশ হ্ৰাস পাইছে ৷ চাহ বাগিছা সমূহে ২০ শতাংশ বোনাচ দিয়াৰ পৰিস্থিতিত নাই বৰ্তমান ৷ তেওঁলোকে এক অনুকূল পৰিস্থিতিত অৱস্থান কৰিব লাগিব।  এইদৰে কয়, টি বৰ্ড অৱ ইণ্ডিয়াৰ সঞ্চালক প্ৰভাত কমল বেজবৰুৱাই ৷

    ২০১২ চনত অসম চাহ কৰ্পৰেছন লিমিটেডসহ বহুকেইখন চাহ বাগিছাক অসম চৰকাৰে দুৰ্গা পূজাৰ বোনাচ ২০ শতাংশ প্ৰদান কৰাৰ কথা কৈছিল, সেই সময়ত চাহ বাগিছা সমূহে চৰকাৰক জনাইছিল তেওঁলোকৰ অৱস্থাৰ কথা ৷

    উৎপাদন কম হ'লেও অসমে চাহৰ নিলামত যথেষ্ট ভাল দাম লাভ কৰিছে ৷ বেছিভাগ চাহ প্ৰতি কেজিত ২৮০ টকাৰ পৰা ৩০০ টকালৈকে হৈছে ৷ গ্ৰীণ টিৰ বাবে দৰকাৰ হোৱা পাত সমূহেও ইতিহাসত প্ৰথমবাৰৰ বাবে ভাল দাম লাভ কৰিবলৈ সক্ষম হৈছে ৷ দুই এক অসুবিধা থাকিব, সেইটো আমিও বুজি পাও ৷ আমি এইক্ষেত্ৰত পদক্ষেপ গ্ৰহণ কৰা উচিত।- এইদৰে কয় ৰূপেশ গোৱালাই ৷
    Published by:Himangshu Bhuyan
    First published: