உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • ইউক্ৰেইনত আবদ্ধ সৰুক্ষেত্ৰীৰ মাছুমা আহমেদ, ভয়াৱহ পৰিস্থিতিৰ কথা বৰ্ণনা কৰিলে ছাত্ৰীগৰাকীয়ে

    ইউক্ৰেইনত আবদ্ধ সৰুক্ষেত্ৰীৰ মাছুমা আহমেদ, ভয়াৱহ পৰিস্থিতিৰ কথা বৰ্ণনা কৰিলে ছাত্ৰীগৰাকীয়ে

    কিয়েভৰ পৰিস্থিতি জটিল হৈ পৰাৰ বাবেই বিদেশ মন্ত্ৰণালয়ে সম্প্ৰতি চুমিক বাদ দি কিয়েভত থকা ছাত্ৰ–ছাত্ৰীসকলক উদ্ধাৰতহে অধিক গুৰুত্ব দিয়া বুলি জনাইছে মাছুমাই৷

    কিয়েভৰ পৰিস্থিতি জটিল হৈ পৰাৰ বাবেই বিদেশ মন্ত্ৰণালয়ে সম্প্ৰতি চুমিক বাদ দি কিয়েভত থকা ছাত্ৰ–ছাত্ৰীসকলক উদ্ধাৰতহে অধিক গুৰুত্ব দিয়া বুলি জনাইছে মাছুমাই৷

    কিয়েভৰ পৰিস্থিতি জটিল হৈ পৰাৰ বাবেই বিদেশ মন্ত্ৰণালয়ে সম্প্ৰতি চুমিক বাদ দি কিয়েভত থকা ছাত্ৰ–ছাত্ৰীসকলক উদ্ধাৰতহে অধিক গুৰুত্ব দিয়া বুলি জনাইছে মাছুমাই৷

    • Share this:
    ইউক্ৰেইনৰ পৰিস্থিতি এতিয়াও অধিক ভয়াৱহ হৈ আছে৷ ইউক্ৰেইনত আবদ্ধ বৰপেটাৰ সৰুক্ষেত্ৰীৰ কয়াকুছিৰ সমীপৰ মৰিছা গাঁৱৰ জাহিদুল ৰহমানৰ কন্যা মাছুমা আহমেদে টেলিফোনত বৰ্ণনা কৰিলে দেশখনৰ ভয়াৱহ পৰিস্থিতিৰ কথা৷ যিকোনো মুহূৰ্ততে চলি থকা, গুলী, বোমা–বাৰুদ আদিৰ শব্দই পৰিস্থিতি অধিক ভয়াৱহ কৰি তোলাৰ কথা প্ৰকাশ কৰিলে চিকিৎসা বিজ্ঞান পঢ়িবলৈ গৈ সম্প্ৰতি ইউক্ৰেইনত আবদ্ধ হৈ পৰা মাছুমা আহমেদ নামৰ ছাত্ৰীগৰাকীয়ে৷

    চুমি বিশ্ববিদ্যালয়ত এতিয়াও অসমৰ প্ৰায় ৪০জন ছাত্ৰ-ছাত্ৰীৰ লগতে দেশৰ প্ৰায় ৮ শতাধিক ছাত্ৰ ছাত্ৰীয়ে ভয়াৱহ অৱস্থাৰ মাজত দিন নিয়াবলগীয়া হৈছে৷ যুদ্ধজৰ্জৰ দেশখনৰ পৰা ভাৰতৰ ছাত্ৰ–ছাত্ৰীসকলক উদ্ধাৰ কৰিবলৈ চৰকাৰৰ প্ৰতি কাতৰ আহ্বান মাছুমাৰ৷ কিয়েভৰ পৰিস্থিতি জটিল হৈ পৰাৰ বাবেই বিদেশ মন্ত্ৰণালয়ে সম্প্ৰতি চুমিক বাদ দি কিয়েভত থকা ছাত্ৰ–ছাত্ৰীসকলক উদ্ধাৰতহে অধিক গুৰুত্ব দিয়া বুলি জনাইছে মাছুমাই৷

    মাছুমাৰ আশা দুই এদিনতে তেওঁলোককো উদ্ধাৰ কৰিব চৰকাৰে৷ অৱশ্যে খাদ্যৰ সমস্যাৰ কথাও প্ৰকাশ কৰিছে ছাত্ৰীগৰাকীয়ে৷ যুদ্ধৰ ভয়াৱহতা, খাদ্য সংকট, প্ৰতিপলে অনিশ্চয়তাৰ মাজত থাকিও মাছুমা আহমেদে পিতৃ–মাতৃক ভালে থাকিবলৈ, খোৱা–বোৱা ভালকৈ কৰিবলৈ উপদেশ দিলে৷
    Published by:Sanjay Kumar Das
    First published: