বন্যপ্ৰাণীক সুৰক্ষা, অসমৰ স্নিফাৰ ড'গলৈ "চুপাৰ স্নিফাৰ ড'গ"ৰ সন্মান!

আন্তৰাষ্ট্ৰীয় এন জি অ’ ‘ট্ৰাফিক’–এ অসমৰ অসমৰ স্নিফাৰ ড'গ ‘কোৱাৰ্মী’ সহ ভাৰতবৰ্ষৰ মুঠ তিনিটা স্নিফাৰ ড'গলৈ "চুপাৰ স্নিফাৰ ড'গ" ৰাষ্ট্ৰীয় সন্মান আগবঢ়াইছে ৷

News18-Assam
Updated:July 27, 2019, 3:14 PM IST
বন্যপ্ৰাণীক সুৰক্ষা, অসমৰ স্নিফাৰ ড'গলৈ
আন্তৰাষ্ট্ৰীয় এন জি অ’ ‘ট্ৰাফিক’–এ অসমৰ অসমৰ স্নিফাৰ ড'গ ‘কোৱাৰ্মী’ সহ ভাৰতবৰ্ষৰ মুঠ তিনিটা স্নিফাৰ ড'গলৈ "চুপাৰ স্নিফাৰ ড'গ" ৰাষ্ট্ৰীয় সন্মান আগবঢ়াইছে ৷
News18-Assam
Updated: July 27, 2019, 3:14 PM IST
গ্লবেল টাইগাৰ ডে" উপলক্ষে অসমৰ স্নিফাৰ ড'গ কোৱাৰ্মীলৈ ৰাষ্ট্ৰীয় সন্মান । দেশৰ আন দুটাকৈ স্নীফাৰ ড'গৰ লগতে কোৱাৰ্মীয়ে লাভ কৰিলে "চুপাৰ স্নিফাৰ ড'গ" সন্মান। "গ্লবেল টাইগাৰ ডে" ৰ লগত সংগতি ৰাখি বন্য জীৱ জন্তুৰ বেহাৰ ওপৰত তীক্ষ্ণ নজৰ ৰখা ট্ৰাফিক নামৰ আন্তৰাষ্ট্ৰীয় এন জি অ’ টোৱে ভাৰতবৰ্ষৰ তিনিটাকৈ স্নিফাৰ ড'গলৈ "চুপাৰ স্নিফাৰ ড'গ" ৰাষ্টীয় সন্মান আগবঢ়াইছে ৷

WWF ৰ অন্তৰ্গত ট্ৰাফিকে চাটনাৰ ‘নিৰ্মাণ’ আৰু ইন্দোৰৰ ‘মাইনা’ নামৰ স্নিফাৰ ড'গটোলৈ "চুপাৰ স্নিফাৰ ড'গ" বটা আগবঢ়োৱাৰ লগতে অসমৰ স্নিফাৰ ড'গ কোৱাৰ্মীলৈ আগবঢ়াইছে বিশেষ বটা ৷ বিশ্বনাথ বন্যপ্ৰানী সংমণ্ডলৰ অপৰাধ অনুসন্ধান শাখাৰ অধীনত থকা দুবছৰ আঠমাহৰ কোৱাৰ্মীক ২০১৭ চনত গোৱালীয়েৰৰ বি এচ এফ একাডেমীত দিয়া হৈছিল প্ৰশিক্ষণ ৷ প্ৰশিক্ষণত উপস্থিত আছিল কোৱাৰ্মীৰ লগতে কোৱাৰ্মীক নিয়ন্ত্ৰণ কৰা দুই অসমীয়া যুৱক লক্ষ্মী নন্দন বৰুৱা আৰু জনচন টেৰন ৷


প্ৰশিক্ষণৰ পিছত বিগত দুটা বছৰত উত্তৰ অসমত সংঘটিত হোৱা বহুকেইটা বন্যপ্ৰানী হত্যা অপৰাধ সম্পৰ্কীয় ঘটনাৰ তথ্যপাতি সংগ্ৰহৰ ক্ষেত্ৰত অনুসন্ধান সংস্থা সমূহক কোৱাৰ্মীয়ে সহায় কৰাৰ লগতে কোৱাৰ্মীৰ জড়িয়তে লাভ কৰা তথ্যৰ পৰা জালত পৰিছে বহু অপৰাধী ৷ ইয়াৰে ভিতৰত গড় হত্যা আৰু বাঘ হত্যা কৰি হাত ছাল বিক্ৰি কৰা অপৰাধেই বেছি ৷


বিশেষকৈ লুকুৱাই থোৱা অস্ত্ৰ , বন্যজীৱ জন্তুৰ অংগ পতংগ আদি বিচাৰি উলিওৱাত অতি পাকৈত কোৱাৰ্মী ৷ ইয়াৰ উপৰিও ৰাজ্যত সংঘটিত হোৱা কেইবাটাও অপৰাধমুলক ঘটনাত কোৱাৰ্মীয়ে সহায় কৰিছে অসম আৰক্ষীক ৷

উল্লেখযোগ্য যে ভাৰত বৰ্ষত বন্যপ্ৰাণী হত্যা তথা অংগৰ চোৰাং বেহা ৰোধ কৰাৰ বাবে WWF ৰ সহযোগত আন্তৰাষ্ট্ৰীয় এন জি অ ট্ৰাফিকে ২০০৮ চনৰ পৰাই স্নিফাৰ ড'গৰ প্ৰশিক্ষণৰ অনুষ্ঠান অনুষ্টিত কৰি আহিছে আৰু তেতিয়াৰে পৰা ৬৬ টা স্নিফাৰ ড'গ স্কোৱাৰড প্ৰশিক্ষণ দি ভাৰত বৰ্ষৰ ১৯ খন ৰাজ্যত নিযুক্ত কৰিছে ৷ ভাৰতবৰ্ষত সংঘটিত হোৱা ১৩১ টাকৈ বন্যপ্ৰানী অপৰাধ ঘটনাৰ অনুসন্ধানত মূখ্য ভুমিকা লোৱা ১২ টা স্নিফাৰ ড'গ ভিতৰত ৩ টা স্নীফাৰ ড'গ বাছনি কৰা হৈছে এই বটাৰ বাবে ৷


বাঘৰ লগত জড়িত হোৱা অপৰাধৰ ওপৰত ভিত্তি কৰিয়েই দেশৰ আন দুটা স্নিফাৰ ড'গলৈ এই বটা প্ৰদান কৰা হৈছে যদিও কোৱাৰ্মীক এই সন্মান অনুসন্ধানৰ ক্ষেত্ৰত কোৱাৰ্মীয়ে আগবঢ়োৱা সম্পূৰ্ণ অৱদানৰ বাবে প্ৰদান কৰা হৈছে ৷ "গ্লবেল টাইগাৰ ডে" উপলক্ষে ২৯ জুলাইত প্ৰদান কৰা হব এই বটা ৷ বিশ্বনাথ বন্যপ্ৰানী সংমণ্ডলৰ অধীনত থকা কোৱাৰ্মীৰ এই সফলতাক লৈ এতিয়া আনন্দিত হৈ পৰিছে সংমণ্ডলটোৰ বনকৰ্মী সকল।

বিশ্বনাথৰ পৰা তুষাৰ হাজৰিকাৰ প্ৰতিবেদন
আৰু চাওক পৰৱৰ্তী বাতৰি