» অসম

শাসক-বিৰোধীৰ মাজত তালিবানক লৈ যুদ্ধ

আফগানিস্তান দখলদাৰী তালিবানক লৈ এতিয়া অসমৰ ৰাজনীতিত আৰম্ভ হৈছে যুদ্ধ। এই যুদ্ধত শাসকে বিৰোধী AIUDFক তালিবানপন্থী আখ্যা দিয়াৰ বিপৰীতে AIUDFয়ে শাসকীয় BJPক তালিবানৰ দৰে দল আখ্যা দিছে ৷ তালিবানকেন্দ্ৰিক যুদ্ধৰ সূত্ৰপাত হয় বুধবাৰে ৷

আফগানিস্তানেই নহয়, অসমতো আছে তালিবান ৷ পৰস্পৰে পৰস্পৰক 'তালিবান' আখ্যা দিলে বিজেপি-AIUDFৰ বিধায়কে ৷

BJPৰ বিধায়ক মৃণাল শইকীয়াৰ এই দাবীৰ পিছতে AIUDFৰ জ্যেষ্ঠ বিধায়ক আমিনুল ইছলামে মৃণাল শইকীয়া আৰু BJPক তালিবানৰ দৰে দল বুলি দাবী কৰে ৷

আফগানিস্তানৰ দখলদাৰী বাহিনী কুখ্যাত তালিবানীৰ প্ৰসংগ সম্প্ৰতি সৰ্বত্ৰ চৰ্চিত বিষয় ৷ সেই তালিবানৰ প্ৰসংগকেই টানি আনি পৰস্পৰে পৰস্পৰক আক্ৰমণ-প্ৰত্যাক্ৰমণ বিজেপি আৰু AIUDFৰ ৷ AIUDFক তালিবানপন্থী আখ্যা দিলে বিজেপি বিধায়ক মৃণাল শইকীয়াই ৷ শইকীয়াই ক'লে- “হিন্দুস্তানপন্থী আৰু পাকিস্তানপন্থী এই দুটা দলহে থাকিব অসমত ৷”

AIUDFক কৰা এনে কটু সমালোচনাৰ পাছতে বিধায়ক মৃণাল শইকীয়াক উভতি ধৰিছে AIUDFৰ জ্যেষ্ঠ বিধায়ক আমিনুল ইছলামে ৷ আমিনুল ইছলামে ক'লে- “মৃণাল শইকীয়া আৰু বিজেপি তালিবানতকৈ কম নহয় ৷ তালিবানক পৃথিৱীয়ে ঘৃণা কৰাৰ দৰে BJPকো মানুহে ঘৃণা কৰে ৷”