আপুনি গুৱাহাটীৰ ভাৰাঘৰত থাকে নে কি? আপোনাৰ ঘৰলৈ আহি আছে আৰক্ষী

News18 Assam | News18-Assam
Updated:January 7, 2020, 5:04 PM IST
আপুনি গুৱাহাটীৰ ভাৰাঘৰত থাকে নে কি? আপোনাৰ ঘৰলৈ আহি আছে আৰক্ষী
যান বাহন সমস্যা দুৰ কৰাৰ কাৰনে লব পৰীক্ষামূলক ব্যৱস্থা ৷ সহায় লব নাগৰিক কমিটিৰ ভলন্টিযাৰৰ। জনালে ডিজিপি ভাস্কৰজ্যোতি মহন্তই।

যান বাহন সমস্যা দুৰ কৰাৰ কাৰনে লব পৰীক্ষামূলক ব্যৱস্থা ৷ সহায় লব নাগৰিক কমিটিৰ ভলন্টিযাৰৰ। জনালে ডিজিপি ভাস্কৰজ্যোতি মহন্তই।

  • Share this:
খেল’ ইণ্ডিয়া আৰু ‘কা’ৰ বিৰুদ্ধে প্ৰতিবাদ অব্যাহত থকাৰ সময়ত অসম আৰক্ষীৰে বিশেষ বৈঠক নাগৰিক সমিতিৰ ৷ বিশেষকৈ মহানগৰীৰ বৰ্ধিত অপৰাধ, ড্ৰাগছৰ অবাধ বেহা ৰোধৰ ক্ষেত্ৰত সাধাৰন ৰাইজৰ পৰা সহযোগিতা বিছাৰিছে অসম আৰক্ষীয়ে ৷ গুৱাহাটী জিলা পুথিভড়ালত গুৱাহাটীৰ সকলো নাগৰিক সমিতিৰ সৈতে হোৱা বৈঠকত অসম আৰক্ষীয়ে লৈছে তিনিটা বিশেষ সিদ্ধান্ত৷
"অহা তিনি মাহৰ ভিতৰত গুৱাহাটীৰ সকলো ভাড়াঘৰত আৰক্ষী আৰু নাগৰিক সমিতিয়ে চলাব জৰীপ ৷ আৰক্ষীৰ ফালৰ পৰা ভাৰতীয়া লোকৰ বাবে দিয়া হব প্ৰ–পত্ৰ ৷ ইয়াৰ লগতে তিনিমাহৰ বাবে ৰাজপথত  যান বাহনৰ সমস্যা দুৰ কৰাৰ বাবেও লব পৰীক্ষামূলক ব্যৱস্থা ৷"

অসম আৰক্ষীয়ে নাগৰিক কমিটিৰ লগত বৈঠকত মিলিত হোৱাত সন্তুষ্টি প্ৰকাশ কৰিছে নাগৰিক সকলে ৷ বৈঠকত আগন্তুক খেল’ ইণ্ডিয়াৰ নিৰাপত্তা আৰু কা বিৰোধী প্ৰতিবাদৰ সময়ত যদিহে কোনো অপ্ৰীতিকৰ পৰিস্থিতিৰ সৃষ্টি হ’লে সেয়া ৰোধৰ বাবে সম্পূৰ্ণ সাজু বুলি মন্তব্য কৰে আৰক্ষী সঞ্চালক ভাস্কৰজ্যোতি মহন্তই ৷ আৰক্ষী সঞ্চালক প্ৰধান ভাস্কৰ জ্যোতি মহন্তই দাবী কৰা মতে যদি তিনিমাহৰ ভিতৰত ভাড়া ঘৰৰ জৰীপ হয় তেন্তে বহু খিনি অপৰাধ ৰোধ কৰিবলৈ সক্ষম হ’ব আৰক্ষী ৷
আৰু চাওক
পৰৱৰ্তী বাতৰি