মুখ্যপৃষ্ঠা » খবৰ

» অসম

»Assam Police Recruitment: ১ ছেপ্তেম্বৰৰ পৰা আৰম্ভ হ'ব অসম আৰক্ষীত খালী হৈ থকা ১৫ হাজাৰ পদৰ নিযুক্তি প্ৰক্ৰিয়া, নতুনকৈ গঠন হ'ব ৫টা বেটেলিয়ন

Assam Police Recruitment: ১ ছেপ্তেম্বৰৰ পৰা আৰম্ভ হ'ব অসম আৰক্ষীত খালী হৈ থকা ১৫ হাজাৰ পদৰ নিযুক্তি প্ৰক্ৰিয়া, নতুনকৈ গঠন হ'ব ৫টা বেটেলিয়ন

News18 Assam | News18-Assam
Updated:July 28, 2021, 7:05 PM IST
Assam Police Recruitment: ১ ছেপ্তেম্বৰৰ পৰা আৰম্ভ হ'ব অসম আৰক্ষীত খালী হৈ থকা ১৫ হাজাৰ পদৰ নিযুক্তি প্ৰক্ৰিয়া, নতুনকৈ গঠন হ'ব ৫টা বেটেলিয়ন
আৰক্ষীক শক্তিশালী কৰাৰ বাবে পুলিচ কমিশ্যন গঠন

আৰক্ষীক শক্তিশালী কৰাৰ বাবে পুলিচ কমিশ্যন গঠন

  • Share this:
মিজোৰামৰ লাইলাপুৰত মিজো আৰক্ষীৰ ধাৰাসাৰ গুলীচালনাত ছজন অসম আৰক্ষীৰ বিষয়া জোৱান আৰু এজন সাধাৰণ লোক নিহত হোৱাৰ পিছত অসম আৰক্ষীক অধিক শক্তিশালী কৰাৰ বাবে সিদ্ধান্ত গ্ৰহণ কৰিছে ড° হিমন্ত বিশ্ব শৰ্মাৰ চৰকাৰে ৷ বুধবাৰে জনতা ভৱনত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত আয়োজিত  আয়োজিত দ্বাদশ কেবিনেট বৈঠকত এই বিষয়ত বহুকেইটা গুৰুত্বপূৰ্ণ সিদ্ধান্ত গ্ৰহণ কৰা হয় ৷

কেবিনেট বৈঠকৰ অন্তত আয়োজিত কেবিনেট ব্ৰিফিঙত কেবিনেট মুখপাত্ৰ পীয়ুষ হাজৰিকাই সদৰি কৰে- “আজিৰ কেবিনেটে অসম আৰক্ষীত নতুনকৈ পাঁচটা বেটেলিয়ন গঠন কৰাৰ সিদ্ধান্ত লয় ৷ এই নতুন পাঁচটা বেটেলিয়নত মুঠ ৬,২৭০জনক নিযুক্তি দিয়া হ'ব ৷”
সমান্তৰালকৈ অসম আৰক্ষীত খালী হৈ থকা পোন্ধৰ হাজাৰ পদ পূৰণৰ প্ৰক্ৰিয়া ১ ছেপ্তেম্বৰৰ পৰা আৰম্ভ কৰাৰ সিদ্ধান্ত বুধবাৰৰ কেবিনেটত লোৱা হয় ৷

ইপিনে কেবিনেটত অসম আৰক্ষীক শক্তিশালী কৰাৰ বাবে কেতবোৰ নীতি-নিয়ম প্ৰস্তুত কৰাৰ বাবে এক কমিশ্যন গঠনৰো সিদ্ধান্ত ড° হিমন্ত বিশ্ব শৰ্মাৰ কেবিনেটত গ্ৰহণ কৰা হয় ৷

কেবিনেট মুখপাত্ৰ পীয়ুষ হাজৰিকা জনাই- “অসমৰ আৰক্ষী ব্যৱস্থা শক্তিশালী কৰাৰ বাবে পুলিচ কমিশ্যন গঠন কৰা হৈছে ৷ অৱসৰ প্ৰাপ্ত IAS হিমাংশু শেষৰ দাস আৰু অৱসৰপ্ৰাপ্ত IPS পিভি সুমন্তক লৈ গঠন কৰা হৈছে পুলিচ কমিশ্যন ৷ দুয়োজনকে মুখ্য সচিব পৰ্যায়ৰ মৰ্যাদা দিয়া হৈছে আৰু তেওঁলোকৰ কাৰ্যকাল হ'ব তিনি মাহ ৷”
Published by: Himangshu Bhuyan
First published: July 28, 2021, 7:01 PM IST
আৰু চাওক
পৰৱৰ্তী বাতৰি

শেহতীয়া বাতৰি