‘অসম এৰি AGP নেতা তপন দাস আমেৰিকালৈ, কোৰোণাত আক্ৰান্ত বিধায়ক বিমল বৰা!’- SI কেলেংকাৰীত এইবাৰ নাম সাঙোৰ খাইছে অগপ-বিজেপি নেতাৰ

News18 Assam | News18-Assam
Updated:September 28, 2020, 4:36 PM IST
‘অসম এৰি AGP নেতা তপন দাস আমেৰিকালৈ, কোৰোণাত আক্ৰান্ত বিধায়ক বিমল বৰা!’- SI কেলেংকাৰীত এইবাৰ নাম সাঙোৰ খাইছে অগপ-বিজেপি নেতাৰ
চাকৰিৰ জীৱনত দুৰ্নীতিৰে শ শ কোটি টকাৰ মালিক হৈছিল অৱসৰপ্ৰাপ্ত DIG প্ৰশান্ত কুমাৰ দত্ত ৷ অসমৰ সমাজ জীৱনৰ কলংকিত অধ্যয় গুপ্তহত্যাৰ অন্যতম খলনায়ক হিচাপে জনাজাত প্ৰশান্ত কুমাৰ দত্ত এতিয়া পলাতক ৷

চাকৰিৰ জীৱনত দুৰ্নীতিৰে শ শ কোটি টকাৰ মালিক হৈছিল অৱসৰপ্ৰাপ্ত DIG প্ৰশান্ত কুমাৰ দত্ত ৷ অসমৰ সমাজ জীৱনৰ কলংকিত অধ্যয় গুপ্তহত্যাৰ অন্যতম খলনায়ক হিচাপে জনাজাত প্ৰশান্ত কুমাৰ দত্ত এতিয়া পলাতক ৷

  • News18 Assam
  • Last Updated: September 28, 2020, 4:36 PM IST
  • Share this:
চাকৰিৰ জীৱনত দুৰ্নীতিৰে শ শ কোটি টকাৰ মালিক হৈছিল অৱসৰপ্ৰাপ্ত DIG প্ৰশান্ত কুমাৰ দত্ত ৷ অসমৰ সমাজ জীৱনৰ কলংকিত অধ্যয় গুপ্তহত্যাৰ অন্যতম খলনায়ক হিচাপে জনাজাত প্ৰশান্ত কুমাৰ দত্ত এতিয়া পলাতক ৷ লগতে পলাতক বহু কেলেংকাৰীৰ নায়ক দিবন ডেকা ৷ দিবন এতিয়া নাগালেণ্ড-মণিপুৰৰ সীমান্তত আত্মগোপন কৰি আছে বুলি এক সুত্ৰই দাবী কৰে ৷ কিন্তু অসম আৰক্ষীৰ উপ পৰিদৰ্শকৰ এটা পদৰ বাবদ সাতৰ পৰা পোন্ধৰ লাখ টকাকৈ সংগ্ৰহ কৰি এতিয়া পলাতক এই দুই অভিযুক্ত।

উপ পৰিদৰ্শকৰ পৰীক্ষাৰ প্ৰশ্ন কাকত আগতীয়াকৈ সংগ্ৰহ কৰি চাকৰিৰ ৰমৰমীয়া বেপাৰ আৰম্ভ কৰা এই ঘটনাত অগপ, বিজেপিৰ একাংশ নেতা জড়িত থকাৰ দাবী কৰিছে বিৰোধী কংগ্ৰেছ আৰু AIUDFএ ৷ AIUDFৰ বিধায়ক হাফিজ ৰফিকুল ইছলামে দাবী কৰিলে- “বিজেপিৰ টিংখাঙৰ বিধায়ক বিমল বৰাও জড়িত SIৰ নিযুক্তি কেলেংকাৰীত ৷”

বিমল বড়াই সোমবাৰে সামাজিক মাধ্যম ফেছবুকত এই সন্দৰ্ভত এটা আপডেট দিয়া দেখা গ'ল ৷ এজন জনপ্ৰতিনিধি হিচাপে তেওঁ নিজ সমষ্টিৰ যুৱক-যুৱতীয়ে যাতে নিযুক্তি লাভ কৰে, তাৰ বাবে প্ৰশিক্ষণ শিবিৰ আয়োজন কৰাটো কোনো ভুল নহয় বুলি দাবী কৰে বিধায়ক বৰাই ৷ বিজেপিৰ বিধায়ক বিমল বৰাৰ লগতে AIUDFৰ বিধায়ক হাফিজ ৰফিকুল ইছলামে SI নিযুক্তি কেলেংকাৰীত নাম ল'লে অগপৰ যুৱ নেতা তপন দাসৰ ৷ জলসম্পদ মন্ত্ৰী কেশৱ মহন্তৰ বিশ্বস্ত হিচাপে জনাজাত তপন দাস এতিয়া আমেৰিকাত ৷ সততে মন্ত্ৰী কেশৱ মহন্তৰ কাষত দেখা যায় তপন দাসক ৷

অগপ নেতা তপন দাসে অসম এৰি আমেৰিকাত আশ্ৰয় লোৱাৰ কথা উল্লেখ কৰি AIUDFৰ বিধায়ক ৰফিকুলে দাবী কৰিলে CIBৰ তদন্তৰ ৷ লগতে পি কে দত্ত, দিবন ডেকা, প্ৰাঞ্জল বৰুৱাক গ্ৰেপ্তাৰ কৰাৰ দাবী তুলি আৰক্ষী নিযুক্তি বৰ্ডৰ পৰা দেওবাৰে পদত্যাগ কৰা প্ৰদীপ কুমাৰকো তদন্তৰ আওঁতালৈ আনিবলৈ দাবী কৰে বিধায়ক ৰফিকুলে ৷

ইপিনে কংগ্ৰেছী বিধায়ক জাকিৰ হুছেইন শিকদাৰে বিজেপি নেতৃত্বাধীন চৰকাৰখনক কঠোৰ ভাষাৰে সমালোচনা কৰে ৷ APSC কেলেংকাৰী আধাতে সামৰাৰ দৰে চৰকাৰে SI নিযুক্তি কেলেংকাৰীতো অনুৰূপ কাৰ্যই কৰিব বুলি সন্দেহ প্ৰকাশ কৰে জাকিৰ হুছেইন শিকদাৰে ৷

উল্লেখযোগ্য যে SIৰ ৫৯৭টা পদৰ বাবে অনুষ্ঠিত হ'বলগীয়া পৰীক্ষাৰ বাবে কেৰালা ইলেক্ট্ৰ’নিকছ (কেলটন) নামৰ এটা প্ৰতিষ্ঠানক ঠিকা দিয়া হৈছিল ৷ এই কেলটনৰ পৰা পৰীক্ষা পতাৰ উপ ঠিকা লৈছিল প্ৰাঞ্জল বৰুৱা, কৌশিক সৰকাৰ আৰু দিবন ডেকাৰ মালিকনাধীন মেচাৰ্ছ এমেইন টেক কনচালটেণ্ট প্ৰাইভেট লিমিটেডে ৷ লগতে উপ ঠিকা লৈছিল ৰুবুল হাজৰিকা নামৰ লোকজনৰ মেচাৰ্ছ অক্ষয় টেলিকমিউনিকেশ্যন নামৰ কলচেণ্টাৰটোৱে ৷ কিন্তু এই পৰ্যন্ত SI নিযুক্তি কেলেংকাৰীত জড়িত কোনো এজন হাই প্ৰফাইল লোককে গ্ৰেপ্তাৰ কৰিবলৈ সক্ষম হোৱা নাই আৰক্ষীয়ে ৷
Published by: Himangshu Bhuyan
First published: September 28, 2020, 4:36 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading