আৰক্ষী SI পৰীক্ষা কেলেংকাৰী! গণেশগুৰিৰ ল’জত ৫০ জন প্ৰাৰ্থী গোপনে বহিছিল পৰীক্ষাত, বিজেপি কৰ্মীক জেৰা CIDৰ

News18 Assam | News18-Assam
Updated:September 23, 2020, 5:11 PM IST
আৰক্ষী SI পৰীক্ষা কেলেংকাৰী! গণেশগুৰিৰ ল’জত ৫০ জন প্ৰাৰ্থী গোপনে বহিছিল পৰীক্ষাত, বিজেপি কৰ্মীক জেৰা CIDৰ
Source-Google

আনহাতে আজিৰ দিনটোতে প্ৰশ্ন কাকত ফাদিলৰ লগত জড়িত থকাৰ সন্দেহত কামৰূপৰ বামুন্দীৰ পৰা আৰক্ষীয়ে আটক কৰিছে  তিনিজন যুৱকক।

  • News18 Assam
  • Last Updated: September 23, 2020, 5:11 PM IST
  • Share this:
যোৱা ২০ ছেপ্তেম্বৰ তাৰিখে অসম আৰক্ষীৰ উপ পৰিদৰ্শক পদৰ লিখিত পৰীক্ষাৰ প্ৰশ্ন কাকত ফাদিল হোৱাৰ পিছতে এতিয়া অসম আৰক্ষীৰ ক্ৰাইম ব্ৰাঞ্চে তীব্ৰতৰ কৰি তুলিছে অভিযান। বুধবাৰে গুৱাহাটী মহানগৰীৰ ‘থেংক ইউ’ নামৰ এখন ল’জত অভিযান চলাই ক্ৰাইম ব্ৰাঞ্চে। ১৯ ছেপ্তেম্বৰৰ দিনা গোপনে ল’জখনত পৰীক্ষা দিছিল ৫০ জন চাকৰি প্ৰাৰ্থীয়ে। ল’জ খনৰ পৰা ইতিমধ্যে জব্দ কৰা হৈছে SI পদৰ পৰীক্ষাৰ প্ৰশ্ন কাকত ৷ লগতে  জব্দ কৰিছে লজখনৰ CCTV কেমেৰা।

অভিযানত আৰক্ষীয়ে আটক কৰিছে  ল’জখনৰ চাৰিগৰাকী স্বত্বাধিকাৰী ক্ৰমে, অলকেশ বৈশ্য, প্ৰাঞ্জল শৰ্মা, বিমল থাপা আৰু প্ৰণব বৰাক। সেইদৰে শুৱালকুছিৰ পৰাও কেলেংকাৰী সন্দৰ্ভত গ্ৰেপ্তাৰ কৰা হৈছে এজনক ৷ ইতিমধ্যে চাকৰি দিয়াৰ নামত ধন সংগ্ৰহ কৰাৰ অপৰাধত গ্ৰেপ্তাৰ হোৱা জলসিঞ্চনৰ কৰ্মচাৰী যুগনী ব্ৰহ্মৰ ক’ল ৰেকৰ্ডৰ ভিত্তিত গ্ৰেপ্তাৰ শুৱালকুছিৰ কুশল দাস ৷

CIDয়েও বৰ্তমান SI পৰীক্ষা কেলেংকাৰীৰ তদন্ত প্ৰক্ৰিয়া অব্যাহত ৰাখিছে ৷ হীৰকজ্যোতি বৰুৱা নামৰ এজনক ইতিমধ্যে গ্ৰেপ্তাৰ কৰিছে CIDয়ে। নগাওঁ খেৰনিৰ পৰা গ্ৰেপ্তাৰ কাৰ্বি আংলঙৰ হীৰকক ৷ হীৰকৰ ম'বাইলৰ পৰা প্ৰশ্ন কাকত লাভ কৰিছিল এজন লোকে ৷ হীৰকৰ হাতত প্ৰশ্ন কাকত ক'ৰ পৰা আহিল সেই সন্দৰ্ভত বৰ্তমান সোধা-পোছা কৰি আছে CIDয়ে। আনহাতে দিৱন ডেকা নামৰ এজন বিজেপি কৰ্মীকো CIDয়ে জেৰা কৰিছে।

আনহাতে আজিৰ দিনটোতে প্ৰশ্ন কাকত ফাদিলৰ লগত জড়িত থকাৰ সন্দেহত কামৰূপৰ বামুন্দীৰ পৰা আৰক্ষীয়ে আটক কৰিছে  তিনিজন যুৱকক। অপৰাধ অনুসন্ধান শাখাই সোধা পোচাৰ বাবে আটক কৰিছে চন্দন কলিতা, কুশল দাসৰ লগতে আৰু এজনক। বৰ্তমানো পলাতক অৱস্থাত আন দুজন।
Published by: Himangshu Bhuyan
First published: September 23, 2020, 4:46 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading