অসম আৰক্ষীৰ বঙাইগাঁওক শ্ৰেষ্ঠ আৰক্ষী জিলা ঘোষণা, শীৰ্ষ ৪টা স্থানত আছে এইকেইখন জিলা
অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তৰ নেতৃত্বত শীৰ্ষ বিষয়াবৰ্গৰ উপস্থিতিত এক গুৰুত্বপূৰ্ণ বৈঠকৰ পিছত এই ঘোষণা।
অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তৰ নেতৃত্বত শীৰ্ষ বিষয়াবৰ্গৰ উপস্থিতিত এক গুৰুত্বপূৰ্ণ বৈঠকৰ পিছত এই ঘোষণা।
- News18 Assam
- Last Updated :
বঙাইগাঁও জিলা আৰক্ষীৰ সফলতা ৷ অসম আৰক্ষীৰ শ্ৰেষ্ঠ জিলা হিচাপে বঙাইগাঁৱক স্বীকৃতি দিয়া হৈছে ৷ ৰাজ্যৰ আৰক্ষী জিলাসমূহৰ কাম-কাজ পৰ্যবেক্ষণ কৰি অসম আৰক্ষীয়ে শীৰ্ষ স্থান প্ৰদান কৰে বঙাইগাঁও জিলাক ৷
শেহতীয়াভাৱে অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তৰ নেতৃত্বত শীৰ্ষ বিষয়াবৰ্গৰ উপস্থিতিত এক গুৰুত্বপূৰ্ণ বৈঠক অনুষ্ঠিত হয় ৷ উক্ত বৈঠকত অসম আৰক্ষীৰ জিলাসমূহৰ কাম–কাজৰ বিষয়ে পৰ্যালোচনা কৰা হয় ৷
বিশেষকৈ আৰক্ষী জিলাসমূহৰ পেণ্ডিং গোচৰ, চাৰ্জশ্বিট প্ৰদানৰ হাৰ, কাৰাদণ্ডৰ হাৰ, কেছ ডিচপোজেল আদি দিশত জিলাসমূহে আগবঢ়োৱা প্ৰদৰ্শন বিশ্লেষণ কৰা হয় ৷ জিলাসমূহে বিগত পহিলা জানুৱাৰীৰ পৰা ৩০ ছেপ্টেম্বৰলৈ আগবঢ়োৱা প্ৰদৰ্শনক মূল্যায়ণ কৰি শ্ৰেষ্ঠতা নিৰূপণ কৰা হয় ৷
সেইমতে বঙাইগাঁও জিলাই প্ৰথম স্থান দখল কৰাৰ বিপৰীতে ক্ৰমান্বয়ে গোৱালপাৰা, বৰপেটা, লখিমপুৰে শীৰ্ষ চাৰিটা স্থান দখল কৰিবলৈ সক্ষম হয় ৷ আৰক্ষী সঞ্চালকপ্ৰধান ভাস্কৰজ্যোতি মহন্তই ইতিমধ্যে জিলাসমূহৰ এই সফলতাৰ বিষয়ে সামাজিক মাধ্যমৰ জৰিয়তে সদৰী কৰিছে ৷
অসম আৰক্ষীৰ এই ঘোষণাই জিলাসমূহৰ আৰক্ষী বিষয়া–জোৱানক অধিক উৎসাহিত কৰি তুলিছে৷ বঙাইগাঁও জিলাই লাভ কৰা সফলতাই জিলা আৰক্ষী অধীক্ষক স্বপ্ননীল ডেকাৰ লগতে জিলাখনৰ বিষয়াবৰ্গ তথা জোৱানসকলেক আনন্দিত কৰি তুলিছে ৷
ইফালে, অসম আৰক্ষীৰ পশ্চিম সংমণ্ডলৰ অধীনস্থ বঙাইগাঁও জিলাই শেহতীয়াভাৱে লাভ কৰা স্বীকৃতিক লৈ সন্তোষ ব্যক্ত কৰে উপ আৰক্ষী মহাপৰিদৰ্শক দিলীপ দে'ই ৷ আনহাতে পশ্চিম সংমণ্ডলৰ অন্তৰ্গত ছয়খনকৈ জিলাৰ ভিতৰত তিনিখনকৈ জিলাই প্ৰথম চাৰিটা স্থান দখল কৰিব লৈ সক্ষম হোৱাত আনন্দিত হোৱা বুলি উপ আৰক্ষী মহাপৰিদৰ্শক দিলীপ দে'ই ৷
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
