ডকাইত আৰক্ষী!মহিলাৰ পৰা ২০লাখ টকা লুটিলে আৰক্ষীয়ে, আৰক্ষী সঞ্চালক প্ৰধানৰ প্ৰতিক্ৰিয়া

পুনৰ অসম আৰক্ষীৰ গৰিমাত কালিমা সানিলে ৩ আৰক্ষীয়ে ! মহানগৰত ডকাইতৰ ৰূপত আৰক্ষী বিষয়া।

News18-Assam
Updated:July 27, 2019, 1:31 PM IST
ডকাইত আৰক্ষী!মহিলাৰ পৰা ২০লাখ টকা লুটিলে আৰক্ষীয়ে, আৰক্ষী সঞ্চালক প্ৰধানৰ প্ৰতিক্ৰিয়া
পুনৰ অসম আৰক্ষীৰ গৰিমাত কালিমা সানিলে ৩ আৰক্ষীয়ে ! মহানগৰত ডকাইতৰ ৰূপত আৰক্ষী বিষয়া।
News18-Assam
Updated: July 27, 2019, 1:31 PM IST
পুনৰ অসম আৰক্ষীৰ গৰিমাত কালিমা সানিলে ৩আৰক্ষীয়ে ! মহানগৰত পুনৰ ডকাইতৰ ৰূপত আৰক্ষী বিষয়া। মহানগৰীৰ ৰাজপথত মহিলাৰ ধন লুটি জালত পৰিল দুই SI সহ এজন গৃহৰক্ষী জোৱান। হোটেল তাজ ভিভাণ্টাৰ সমীপতে মিজোৰামৰ এগৰাকী মহিলাৰ পৰা ২০লাখ টকা লুটিছিল ডকাইতৰূপী তিনি আৰক্ষীয়ে।

সমগ্ৰ ডকাইতিৰ পৰিকল্পনা ৰচিছিল মিজু যুৱক প্ৰকাশ সোণাৰ আৰু দিছপুৰ থানাৰ গৃহৰক্ষী জোৱান বিপুল হাজৰিকাই ৷ সহায় কৰিছিল হাতীগাওঁ থানাৰ OC  হিৰণ্য পাথৰি ওৰফে জন পাথাৰী আৰু SI প্ৰাঞ্জল বৰাই। এগৰাকী মিজো মহিলাক সমগ্ৰ ষড়যন্ত্ৰত লিপ্ত কৰাইছিল মহিলাগৰাকীৰ লগত অহা প্ৰকাশ সোণাৰে ৷ পৰিকল্পনা অনুসৰি ৫০ লাখৰ জালনোট ক্ৰয় কৰিবলৈ ২০লাখ টকা মহিলাগৰাকীয়ে অনা বুলি গৃহৰক্ষী জোৱান বিপুলক ভুল তথ্য দিছিল প্ৰকাশ সোনাৰে ৷ আৰু তাজ ভিভান্টাৰ সমীপত SI প্ৰাঞ্জল বৰাৰ নেতৃত্বত ধনখিনি ডকাইতি কৰি উধাও হৈছিল দলটো ৷ সমগ্ৰ ডকাইতি সন্দৰ্ভত সঘনাই ফোনত কথা পাতিছিল OC হিৰণ্য পাথৰিয়ে। তথ্যা অনুসৰি প্ৰকৃততে মিজো মহিলাগৰাকীয়ে সেই ধন খিনি আনিছিল জিমৰ সা সৰঞ্জাম ক্ৰয় কৰিবলৈ ৷

ডকাইতি কাণ্ড সংঘটিত হোৱাৰ পিছতে এতিয়া মহিলাগৰাকীয়ে কাষ চাপে দিছপুৰ আৰক্ষীৰ ৷ দিছপুৰ আৰক্ষীয়ে ক্ৰাইম বাঞ্চৰ সহযোগত নিশাই গ্ৰেপ্তাৰ কৰিছিল ডকাইতৰূপী আটাইকেইজন আৰক্ষীক ৷ ডকাইতিত ব্যৱহাৰ কৰা হৈছিল  AS06R- O332 নম্বৰৰ এখন ইনভা গাড়ী ৷ কিন্ত এতিয়াও পলাতক গাড়ীখনৰ চালকজন ৷ চালকৰ ঘৰৰ পৰাই আৰক্ষীয়ে উদ্ধাৰ কৰিছে ডকাইতি কৰা ২০লাখ টকা ৷

আৰক্ষীয়ে কৰা ডকাইটি কাণ্ডৰ সম্পৰ্কত এতিয়া প্ৰতিক্ৰিয়া প্ৰকাশ কৰিছে আৰক্ষী সঞ্চালক প্ৰধানে। আৰক্ষী সঞ্চালক প্ৰধান কুলধৰ শইকীয়াই সমগ্ৰ ঘটনাৰ সন্দৰ্ভত কয় যে,‘  ডকাইতিৰ অভিযোগত গ্ৰেপ্তাৰ হোৱা আৰক্ষীৰ বিৰুদ্ধে অতি শীঘ্ৰে লোৱা হ'ব শাস্তিমূলক ব্যৱস্থা। ইতিমধ্যে আৰক্ষী কেইজনৰ নিলম্বনৰ প্ৰক্ৰিয়া চলি আছে। ঘটনাত আৰু আন আৰক্ষী জড়িত থাকিলেও তদন্তৰ আওঁতালৈ অনা হ'ব।’

সেইদৰে মহানগৰীৰ আৰক্ষীয়ে কৰা ডকাইতি কাণ্ডক লৈ প্ৰতিক্ৰিয়া প্ৰকাশ কৰিছে মহানগৰ আৰক্ষীৰ যুটীয়া আয়ুক্ত দেৱৰাজ উপাধ্যায়ৰ। সমগ্ৰ ডকাইতিৰ পৰিকল্পনা কৰিছিল প্ৰকাশ সোণৰ নামৰ এজন মিজো যুৱকে। এই কাৰ্যত সহায় কৰিছিল আৰক্ষী হিৰণ্য পাথৰি আৰু প্ৰাঞ্জল বৰাই।
আৰু চাওক পৰৱৰ্তী বাতৰি