অসমত বিদেশী! কোনে কেতিয়া কি হিচাপ দিছিল? 

News18-Assam
Updated:August 31, 2019, 5:46 PM IST
অসমত বিদেশী! কোনে কেতিয়া কি হিচাপ দিছিল? 
NRC এ বিদেশীক স্বদেশী হোৱাৰ সুবিধা কৰি দিলে বুলি এতিয়া বিভিন্ন জনে কৰিছে মন্তব্য!

NRC এ বিদেশীক স্বদেশী হোৱাৰ সুবিধা কৰি দিলে বুলি এতিয়া বিভিন্ন জনে কৰিছে মন্তব্য!

  • Share this:
চূড়ান্ত NRCত অন্তৰ্ভুক্ত হ’ল ৩,১১,২১,০০৪ জন লোকৰ নাম। তাৰ বিপৰীতে বাদ পৰিল ১৯,০৬,৬৫৭জন লোক। কিন্তু হিতেশ্বৰ শইকীয়াৰ মুখ্যমন্ত্ৰীত্বৰ কালতে তেখেতে ৰাজ্যত থকা বিদেশীৰ সন্দৰ্ভত দাঙি ধৰিছিল গুৰুত্বপূৰ্ণ তথ্য। কিন্তু আজি যেন সেই তথ্যৰ নাই কোনো মূল্য!

সেইদৰে বিভিন্ন সময়ত দেশৰ সংসদৰ মজিয়াতো চৰকাৰী তথ্যত অসমত যিমান সংখ্যক বিদেশী থকাৰ কথা কোৱা হৈছিল, তাৰ যেন এখন বিপৰীত ছবিহে উন্মোচিত হ’ল চূড়ান্ত এন আৰ চি খনত!

চৰকাৰী প্ৰতিবেদনত কি তথ্য প্ৰকাশ কৰা হৈছিল

প্ৰাক্তন মুখ্যমন্ত্ৰী হিতেশ্বৰ শইকীয়া(১৯৯১–১৯৯৬)– অসম বিধানসভাত তদানীন্তন মুখ্যমন্ত্ৰী শইকীয়াৰ বিবৃতি অসমত ৩০ লাখ বিদেশী আছে।

ইন্দ্ৰজিৎ গুপ্তা, ৬ মে’ ১৯৯৭, তদানীন্তন কেন্দ্ৰীয় গৃহ মন্ত্ৰী ইন্দ্ৰজিৎ গুপ্তাৰ সংসদত তথ্য দাখিলঃ অসমকে ধৰি দেশত ১ কোটি অবৈধ বিদেশী আছে।

শ্ৰীপ্ৰকাশ জয়ছোৱাল, ১৪ জুলাই, ২০০৪, তদানীন্তন কেন্দ্ৰীয় গৃহ ৰাজ্য মন্ত্ৰী শ্ৰীপ্ৰকাশ জয়ছোৱালৰ সংসদত বক্তব্যঃ অসমত থকা বিদেশীৰ সংখ্যা ৫০ লাখ। ভাৰতত আছে মুঠ ১.২ কোটি বিদেশী।

কিৰেন ৰিজিজু(২০১৪–২০১৮), তদানীন্তন কেন্দ্ৰীয় গৃহ ৰাজ্য মন্ত্ৰী কিৰেন ৰিজিজুৰ সংসদত তথ্য দাখিলঃ ভাৰতত আছে ২ কোটি অবৈধ বিদেশী
First published: August 31, 2019, 5:46 PM IST
আৰু চাওক
পৰৱৰ্তী বাতৰি

শেহতীয়া বাতৰি