Assam Kidney Racket : এইবাৰ দৰঙত মানৱ অংগ সৰবৰাহকাৰীৰ সৈতে জড়িতৰ অভিযোগত এজনক আটক

দৰঙৰ দলগাঁৱত সক্ৰিয় হৈ আছে মানৱ দেহ অংগৰ ব্যৱসায় লগত জড়িত দালাল চক্ৰ। ৰাজ্যখনত মানৱ অংগ ব্যৱসায়ৰ শিপাডাল নলবাৰী, মৰিগাঁৱৰ পৰা দৰঙৰ দলগাঁও পালেহি। দৰঙৰ দলগাঁৱতো বাহৰ পাতি আছে ভয়ংকৰ দালাল চক্ৰ।

বৃহস্পতিবাৰে নিশা দৰঙৰ উপ–আৰক্ষী অধীক্ষক প্ৰাঞ্জল বৰাৰ নেতৃত্বত মৰিগাঁও আৰক্ষীয়ে মানৱ অংগ সৰবৰাহ কৰাৰ অভিযোগত দলগাঁও টাউনৰ সমীপত ধেকেৰিগাঁৱৰ নিতু দাস নামৰ এজন অভিযুক্তক আটক কৰে। নিশা ১২ বজাত মৰিগাঁও আৰক্ষীয়ে মানৱ অংগ সৰবৰাহকাৰী নিতু দাসক মৰিগাঁৱলৈ লৈ যায়। অৱশ্যে মৰিগাঁও আৰক্ষীয়ে এইক্ষেত্ৰত বক্তব্য দিয়া পৰা বিৰত থাকে।