সাংবাদিক পৰাগ ভূঞাৰ ৰহস্যজনক মৃত্যুৰ উচিত তদন্ত বিচাৰি অসম জাতীয় পৰিষদৰ মৌন প্ৰতিবাদ

News18 Assam | News18-Assam
Updated:November 14, 2020, 3:45 PM IST
সাংবাদিক পৰাগ ভূঞাৰ ৰহস্যজনক মৃত্যুৰ উচিত তদন্ত বিচাৰি অসম জাতীয় পৰিষদৰ মৌন প্ৰতিবাদ
সাংবাদিক পৰাগ ভূঞাক পৰিকল্পিত ভাবে হত্যা কৰাৰ অভিযোগ

সাংবাদিক পৰাগ ভূঞাক পৰিকল্পিত ভাবে হত্যা কৰাৰ অভিযোগ

  • Share this:
সাংবাদিক পৰাগ ভূঞাক পৰিকল্পিত ভাবে হত্যা কৰাৰ অভিযোগ। ঘটনাৰ উচিত তদন্ত বিচাৰি অসম জাতীয় পৰিষদে শনিবাৰে গুৱাহাটী ক্লাৱৰ ৰ’টাৰিত মৌন প্ৰতিবাদী কাৰ্য্যসূচী পালন কৰে।

পৰাগ দাসৰ পৰা পৰাগ ভূঞালৈ বহু সাংবাদিকে প্ৰাণ হেৰুৱালে বুলি উল্লেখ কৰি বিশিষ্ট সাংবাদিক তথা অসম জাতীয় পৰিষদৰ নেতা অদীপ কুমাৰ ফুকনে এই সকলো হত্যাকাণ্ডৰ ন্যায়িক তদন্ত বিচাৰিলে।

শনিবাৰে অসম জাতীয় পৰিষদ আৰু দলটোৰ ভাতৃ সংগঠন জাতীয় যুৱ শক্তিৰ উদ্যোগত গুৱাহাটী ক্লাৱৰ ৰ’টাৰি প্ৰাংগনত মৌন প্ৰতিবাদ সাব্যস্ত কৰাৰ লগতে হাতে হাতে প্লে কাৰ্ড লৈ দলটোৱে পৰাগ ভূঞাৰ মৃত্যুৰ তদন্ত অৱসৰপ্ৰাপ্ত এগৰাকী ন্যায়াধীশৰ জৰিয়তে  হোৱাটো বিচাৰিলে।

এই শান্তিপূৰ্ণ মৌন প্ৰতিবাদী কাৰ্য্যসূচীত অসম জাতীয় পৰিষদ আৰু জাতীয় যুৱ পৰিষদৰ বহু সংখ্যক নেতা কৰ্মী উপস্থিত আছিল। উল্লেখযোগ্য যে, প্ৰয়াত সাংবাদিক পৰাগ ভূঞা হ’ল অসম জাতীয় পৰিষদৰ মুখ্য সমন্বয়ক তথা প্ৰাক্তন মন্ত্ৰী জগদীশ ভূঞাৰ ভাতৃ।
Published by: Himangshu Bhuyan
First published: November 14, 2020, 3:45 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading