HSLC Results 2022 : মেট্ৰিকৰ ফলাফল ঘোষণা, ৮৫.৪৬ শতাংশ উত্তীৰ্ণৰ হাৰেৰে শীৰ্ষত ধেমাজি জিলা

ঘোষণা হ’ল মেট্ৰিক আৰু হাই মাদ্ৰাছা পৰীক্ষাৰ ফলাফল। এই ফলাফল অনুসৰি, এইবাৰ ৮৫.৪৬ শতাংশৰে শীৰ্ষ জিলিকিছে ধেমাজি জিলা। ধেমাজিৰ মুঠ ১৩,৪৫২ গৰাকী পৰীক্ষাৰ্থীৰ ভিতৰত ১১,৪৯৬ গৰাকীয়ে উত্তীৰ্ণ হয় পৰীক্ষাত। ইয়াৰ ভিতৰত প্ৰথম বিভাগত ২৭১৩গৰাকী, দ্বিতীয় বিভাগত ৫৬৭৪গৰাকী আৰু তৃতীয় বিভাগত উত্তীৰ্ণ হয় ৩১০৯গৰাকী পৰীক্ষাৰ্থী।

আনহাতে, ৩৪.২৭ শতাংশ উত্তীৰ্ণৰ হাৰেৰে তালিকাৰ শেষত চিৰাং জিলা। জিলাখনত এইবাৰ মুঠ ৮৩৬০ গৰাকী পৰীক্ষাৰ্থী অৱতীৰ্ণ হৈছিল। ইয়াৰ ভিতৰত ২৮৬৫ গৰাকীয়ে উত্তীৰ্ণ হ’বলৈ সক্ষম হয়। প্ৰথম বিভাগত ৭৪৯ গৰাকী, দ্বিতীয় বিভাগত ১৪৬২ গৰাকী আৰু তৃতীয় বিভাগত উত্তীৰ্ণ হয় ৬৫৪ গৰাকী পৰীক্ষাৰ্থী।

চাওক ৰিজাল্টঃ

ইফালে, ৮১.৩১ শতাংশৰে দ্বিতীয় স্থানত আছে ডিমা হাছাও জিলা আৰু ৮১.১৭ শতাংশৰে তৃতীয় স্থান অধিকাৰ কৰিছে শিৱসাগৰ জিলাই।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|