বিদ্যালয়ৰ তুলনাত সংখ্যা কম ছাত্ৰ-ছাত্ৰীৰ! শীঘ্ৰে একত্ৰিকৰণ কৰা হ'ব ৰাজ্যৰ বিদ্যালয়সমূহ

শীঘ্ৰে একত্ৰিকৰণ হ'ব ৰাজ্যৰ বহু চৰকাৰী বিদ্যালয়। বিশেষকৈ প্ৰাথমিক স্তৰত বিদ্যালয়ৰ তুলনাত ছাত্ৰ-ছাত্ৰীৰ সংখ্যা কম থকা বিদ্যালয় সমূহত এই ব্যৱস্থা গ্ৰহণ কৰা হ'ব। প্ৰয়োজন সাপেক্ষে প্ৰথম শ্ৰেণীৰ পৰা দ্বাদশ শ্ৰেণী পৰ্যন্ত একত্ৰিকৰণৰ ব্যৱস্থা গ্ৰহণ কৰিব শিক্ষা বিভাগে। ছাত্ৰ-ছাত্ৰী কম থাকিলে ব্যৱস্থাপনাৰ ক্ষেত্ৰত অসুবিধাৰ সন্মুখীন হোৱাৰ বাবে এই ব্যৱস্থা ল'ব শিক্ষা বিভাগে।

শিক্ষাৰ অধিকাৰ আইন অনুসৰি এক কিলোমিটাৰ ব্যাসাৰ্ধত এখন প্ৰাথমিক বিদ্যালয় আৰু প্ৰতি তিনি কিলোমিটাৰ ব্যৱধানত এম এই স্কুল আৰু পাছ কিলোমিটাৰ ব্যৱধানত এখন একোখনকৈ হাইস্কুল থাকিব লাগে।কিন্তুবহু ঠাইত প্ৰাথমিক স্তৰত যিমান বিদ্যালয় থাকিব লাগে,তাতোকৈ বেছি বিদ্যালয় আছে। তাৰ বাবে এনে ব্যৱস্থা গ্ৰহণ কৰা হ'ব।

তাৰোপৰি ছিনিয়ৰ ছেকেণ্ডৰী আৰু উচ্চতৰ মাধ্যমিক বিদ্যালয় একত্ৰিকৰণ কৰা হ'ব। প্ৰথম শ্ৰেণীৰ পৰা দ্বাদশ শ্ৰেণীলৈ সকলো ব্যৱস্থা থাকিলে শিক্ষকসকলৰ আৰু বিদ্যালয়ৰ অন্ত:গাঁথনিৰ সমস্যাৰ সন্মুখীন নোহোৱাৰ চেষ্টা কৰিছে শিক্ষা বিভাগে। ইতিমধ্যে যোৱা বুধবাৰে এই সন্দৰ্ভত শিক্ষা বিভাগৰ শীৰ্ষ নেতৃত্বই সকলো জিলাৰ DO আৰু বিদ্যালয় পৰিদৰ্শক সকলৰ সৈতে ভিডিও কনফাৰেন্সিঙৰ জৰিয়তে বৈঠকত মিলিত হৈছিল।