ৰাজ্যৰ বাহিৰত আবদ্ধ হৈ থকা কৰ্কট, হৃদৰোগ অস্ত্ৰোপচাৰ, বৃক্ক সংৰোপণৰ বাবে যোৱা ৰোগীক চৰকাৰে দিব সাহায্য

ল’ক ডাউনৰ ফলত বহিঃৰাজ্যত চিকিত্‍সাৰ বাবে যোৱা বহু ৰোগী এতিয়া আবদ্ধ হৈ থাকিব লগীয়া হৈছে। কৰ্কট, হৃদৰোগ অস্ত্ৰোপচাৰ, বৃক্ক সংৰোপণৰ চিকিত্‍সাৰ বাবে যোৱা ৰোগীসকললৈ এতিয়া সাহায্য আগবঢ়াব ৰাজ্য চৰকাৰে। শুকুৰবাৰে সংবাদমেল সম্বোধন কৰি এই কথা উল্লেখ কৰে স্বাস্থ্যমন্ত্ৰী ড০ হিমন্ত বিশ্ব শৰ্মাই।

ৰোগীসকলক ৰাজ্যচৰকাৰৰ সৈতে ০৩৬১-২৫৫৮৯৫৫ নম্বৰত যোগাযোগ কৰিবলৈ আহ্বান জনাই মন্ত্ৰীগৰাকীয়ে। মন্ত্ৰীগৰাকীয়ে লগতে কয়  যে, ‘চৰকাৰে এই ক্ষেত্ৰত যাৱতীয় পৰীক্ষা কৰিব আৰু তাৰ পিছত ৰোগীজনে ৬৯০১২-৮১৮৬২ নম্বৰত হোৱাটছ-এপযোগে বেংকৰ সবিশেষ পঠিয়াব লাগিব আৰু চৰকাৰে সেই একাউণ্ট নম্বৰতে সাহায্য আগবঢ়াব। উল্লেখযোগ্য  যে, বৰ্তমান  মুম্বাইৰ অসম ভৱনত ১৫০ গৰাকী কৰ্কট ৰোগী আবদ্ধ হৈ আছে।