মিছ কল দিলেই লাভ কৰিব কোভিড ভেকচিন, গুৱাহাটী মহানগৰীৰ ব্যৱসায়ীক প্ৰতিষ্ঠানে পালন কৰিব লাগিব এইসমূহ নিয়ম...

ৰাজ্যত হ্ৰাস পাবলৈ ধৰিছে কোভিডৰ সংক্ৰমণ।কিন্তু বিপদ আঁতৰা নাই গুৱাহাটী মহানগৰীত। শুকুৰবাৰ দিনটোত মহানগৰীত কোভিডত আক্ৰান্ত হৈছে ১৬৮ গৰাকী ব্যক্তি।কোভিডৰ সংক্ৰমণৰ হাৰ এটা সপ্তাহ ধৰি অৱনমিত নোহোৱাৰ বাবে নতুন পৰিকল্পনা হাতত লৈছে স্বাস্থ্য বিভাগে।

এতিয়াৰে পৰা মহানগৰৰ বাসিন্দাই 8929103776 নম্বৰত মিছ ক'ল দিলেই সহজেই লাভ কৰিব কোৰোণাৰ ভেকচিন। ২৫ ৰ পৰা ৩১ আগষ্টলৈ গুৱাহাটী মহানগৰীত ভেকচিন সপ্তাহ পালন কৰিব স্বাস্থ্য বিভাগে। যাৰ বাবে ১২০৪ জন BLO দিয়া হৈছে বিশেষ প্ৰশিক্ষণ।মহানগৰবাসী সম্পূৰ্ণ ভেকচিনেশ্যন কৰাৰ এই অভিযানৰ দায়িত্বত থাকিব উপায়ুক্ত বিশ্বজিত পেগু।

আনহাতে কোৰোণাৰ সংক্ৰমণ ৰোধ কৰাৰ উপায় হিচাপে এতিয়াৰ পৰা শ্বপিং ম’ল, ব্যৱসায়িক প্ৰতিষ্ঠান, দোকানৰ কমৰ্চাৰীসকলে ক’ভিড ভেকচিন লোৱা চাৰ্টিফিকেট প্ৰদৰ্শন কৰিব লাগিব। অন্যথা কঠোৰ সিদ্ধান্ত লবলৈ বাধ্য হ'ব চৰকাৰ।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|