কৰ্তন কৰা নহয় দৰমহা, ৯ এপ্ৰিলত ৰাজ্যিক কৰ্মচাৰীয়ে লাভ কৰিব দৰমহা, কিন্তু...

ৰাজ্যত এতিয়া কোৰোণা ভাইৰাছৰ সংহাৰ। কোৰোণাৰ সন্ত্ৰাসৰ ফলত যথেষ্ট ক্ষতিৰ সন্মুখীন হৈছে ৰাজ্যৰ অৰ্থনীতি। প্ৰয়োজনত ৰাজ্যিক কৰ্মচাৰীৰ পৰা ১০ৰ পৰা ২০ শতাংশ দৰমহা কৰ্তন কৰা হ’ব বুলি ঘোষণা কৰিছিল মন্ত্ৰী হিমন্ত বিশ্ব শৰ্মাই।

কিন্তু শনিবাৰে সংবাদমেল সম্বোধন কৰি মন্ত্ৰী শৰ্মাই কৰ্মচাৰীৰ দৰমহা কৰ্তন নহয় বুলি ঘোষণা কৰে। তাৰ মাজতে অহা এপ্ৰিল মাহৰ ৯ তাৰিখে ৰাজ্যিক কৰ্মচাৰী আৰু পেন্সনাৰ সকলক দৰমহা আদায় দিয়া হ’ব বুলি জনাই মন্ত্ৰীগৰাকীয়ে।

কিন্তু কোৰোণা ভাইৰাছৰ হাস্পতাল নিৰ্মাণৰ বাবে কৰ্মচাৰীৰ মাত্ৰ এদিনৰ দৰমহা কৰ্তন কৰিব ৰাজ্য চৰকাৰে। কিন্তু কোনো কৰ্মচাৰীয়ে দিব নিবিচাৰিলে কৰ্তন নকৰে বুলি জনাই মন্ত্ৰীগৰাকীয়ে।

মন্ত্ৰীগৰাকীয়ে লগতে কয়. যে, ‘ৰাজ্যৰ অৰ্থনীতি স্বাভাৱিক অৱস্থাত নাই ৷ পেট্ৰল পাম্পো ভালকৈ চলা নাই ৷ কৰ সংগ্ৰহ হোৱা নাই ৷ অন্ধপ্ৰদেশ চৰকাৰ, মহাৰাষ্ট্ৰ চৰকাৰে দৰমহা কৰ্তন কৰিছে। আমি দৰমহা কৰ্তন কৰা নাই ৷ পাঁচ লাখ কৰ্মচাৰী আছে ৷ প্ৰতিজন কৰ্মচাৰীয়ে ওচৰৰ পাঁচটা পৰিয়ালক সহায় কৰক এই দুৰ্যোগকালত’।